Qazaqstan kómirinen farmatsevtikalyq jáne himiialyq ónimniń 300-ge jýyq túri óndiriledi. Bul týraly Respýblikalyq taý-ken óndirýshi jáne taý-ken metallýrgiialyq kásiporyndar qaýymdastyǵynyń atqarýshy direktory Nikolai Radostovets aitty, dep habarlaidy QazAqparat.
«Kómirimiz, ásirese Shubarkól kómiri básekege óte qabiletti. Odan farmatsevtikalyq jáne himiialyq ónimniń 300-ge jýyq túri óndiriledi. Kómirdiń az jaǵylýyna bailanysty óndiris kólemi qysqarǵan jaǵdaida kómir kenshilerine ne isteý kerektigin eshkim aiqan joq. Bizge kómir kenishteriniń tóńiregine investorlar kelýi úshin erkin ekonomikalyq aýmaq qurýǵa múmkindik berińizder», - dedi ol elordada ótip jatqan Astana Mining & Metallurgy 11-shi taý-ken metallýrgiialyq kongresi aiasynda uiymdastyrylǵan brifingide.
Onyń atap ótýinshe, atalǵan erkin ekonomikalyq aimaqqa kelgen investorlarǵa salyqtan jáne odan basqa da jeńildikter berý qajet.
«Olar 5-10 jyl boiy salyqty múldem tólemei-aq qoisyn. Biraq, olar kómirimizden biz qazir satyp alyp otyrǵan himiialyq jáne farmatsevtikalyq ónimderdi shyǵara bastaidy. Biz qosylǵan quny birshama ónimderdi saýdalaityn bolamyz», - dedi Nikolai Radostovets.
