قازاقستان كٶمٸرٸنەن فارماتسەۆتيكالىق جەنە حيمييالىق ٶنٸمنٸڭ 300-گە جۋىق تٷرٸ ٶندٸرٸلەدٸ. بۇل تۋرالى رەسپۋبليكالىق تاۋ-كەن ٶندٸرۋشٸ جەنە تاۋ-كەن مەتاللۋرگييالىق كەسٸپورىندار قاۋىمداستىعىنىڭ اتقارۋشى ديرەكتورى نيكولاي رادوستوۆەتس ايتتى, دەپ حابارلايدى قازاقپارات.
«كٶمٸرٸمٸز, ەسٸرەسە شۇباركٶل كٶمٸرٸ بەسەكەگە ٶتە قابٸلەتتٸ. ودان فارماتسەۆتيكالىق جەنە حيمييالىق ٶنٸمنٸڭ 300-گە جۋىق تٷرٸ ٶندٸرٸلەدٸ. كٶمٸردٸڭ از جاعىلۋىنا بايلانىستى ٶندٸرٸس كٶلەمٸ قىسقارعان جاعدايدا كٶمٸر كەنشٸلەرٸنە نە ٸستەۋ كەرەكتٸگٸن ەشكٸم ايقان جوق. بٸزگە كٶمٸر كەنٸشتەرٸنٸڭ تٶڭٸرەگٸنە ينۆەستورلار كەلۋٸ ٷشٸن ەركٸن ەكونوميكالىق اۋماق قۇرۋعا مٷمكٸندٸك بەرٸڭٸزدەر», - دەدٸ ول ەلوردادا ٶتٸپ جاتقان Astana Mining & Metallurgy 11-شٸ تاۋ-كەن مەتاللۋرگييالىق كونگرەسٸ اياسىندا ۇيىمداستىرىلعان بريفينگٸدە.
ونىڭ اتاپ ٶتۋٸنشە, اتالعان ەركٸن ەكونوميكالىق ايماققا كەلگەن ينۆەستورلارعا سالىقتان جەنە ودان باسقا دا جەڭٸلدٸكتەر بەرۋ قاجەت.
«ولار 5-10 جىل بويى سالىقتى مٷلدەم تٶلەمەي-اق قويسىن. بٸراق, ولار كٶمٸرٸمٸزدەن بٸز قازٸر ساتىپ الىپ وتىرعان حيمييالىق جەنە فارماتسەۆتيكالىق ٶنٸمدەردٸ شىعارا باستايدى. بٸز قوسىلعان قۇنى بٸرشاما ٶنٸمدەردٸ ساۋدالايتىن بولامىز», - دەدٸ نيكولاي رادوستوۆەتس.
