Kómirden túbegeili bas tartý múmkin emes. Bul týraly Ulttyq ekonomika ministri Álibek Qýantyrov málimdedi, dep habarlaidy Ulysmedia.kz portaly.
«Bizde kómir ónerkásibinde shamamen 30 myń adam jumys isteidi. Kómirden bas tartý ońtaily túrde júrgiziledi, ol birtindep júzege asyrylady. Óitkeni, túbegeili kóshe almaimyz. Tipti, álemde birde-bir el muny júzege asyra almaidy», - dedi Álibek Qýantyrov Prezident janyndaǵy Sheteldik investorlar keńesiniń 34-shi jalpy otyrysynda.
Ministrdiń sózinshe, Polshaǵa kómir paidalanýǵa kvota berilgen. Biraq, bul el ýaqyty kelgende kómirdi paidalaný kólemin birden qysqartýy tiis.
«Menińshe, Qazaqstan da shamamen osy jolmen júredi. Bizge kómirtegi beitaraptyǵyna tolyǵymen kóshý úshin gaz nemese atom energiiasy syndy balama kóshpeli kózderdi paidalaný qajet. Munyń barlyǵy qazirgi ýaqytta talqylanyp jatyr. Búginde Ulttyq ekonomika ministrligi halyqaralyq sarapshylarmen strategiia, doktrina ázirleý jumysyn júrgizýde. Menińshe, osy syn-tegeýiriniń bári sol qujattarda eskeriletin bolady», - dedi ministr.
