كٶمٸردەن تٷبەگەيلٸ باس تارتۋ مٷمكٸن ەمەس. بۇل تۋرالى ۇلتتىق ەكونوميكا مينيسترٸ ەلٸبەك قۋانتىروۆ مەلٸمدەدٸ, دەپ حابارلايدى Ulysmedia.kz پورتالى.
«بٸزدە كٶمٸر ٶنەركەسٸبٸندە شامامەن 30 مىڭ ادام جۇمىس ٸستەيدٸ. كٶمٸردەن باس تارتۋ وڭتايلى تٷردە جٷرگٸزٸلەدٸ, ول بٸرتٸندەپ جٷزەگە اسىرىلادى. ٶيتكەنٸ, تٷبەگەيلٸ كٶشە المايمىز. تٸپتٸ, ەلەمدە بٸردە-بٸر ەل مۇنى جٷزەگە اسىرا المايدى», - دەدٸ ەلٸبەك قۋانتىروۆ پرەزيدەنت جانىنداعى شەتەلدٸك ينۆەستورلار كەڭەسٸنٸڭ 34-شٸ جالپى وتىرىسىندا.
مينيستردٸڭ سٶزٸنشە, پولشاعا كٶمٸر پايدالانۋعا كۆوتا بەرٸلگەن. بٸراق, بۇل ەل ۋاقىتى كەلگەندە كٶمٸردٸ پايدالانۋ كٶلەمٸن بٸردەن قىسقارتۋى تيٸس.
«مەنٸڭشە, قازاقستان دا شامامەن وسى جولمەن جٷرەدٸ. بٸزگە كٶمٸرتەگٸ بەيتاراپتىعىنا تولىعىمەن كٶشۋ ٷشٸن گاز نەمەسە اتوم ەنەرگيياسى سىندى بالاما كٶشپەلٸ كٶزدەردٸ پايدالانۋ قاجەت. مۇنىڭ بارلىعى قازٸرگٸ ۋاقىتتا تالقىلانىپ جاتىر. بٷگٸندە ۇلتتىق ەكونوميكا مينيسترلٸگٸ حالىقارالىق ساراپشىلارمەن ستراتەگييا, دوكترينا ەزٸرلەۋ جۇمىسىن جٷرگٸزۋدە. مەنٸڭشە, وسى سىن-تەگەۋٸرٸنٸڭ بەرٸ سول قۇجاتتاردا ەسكەرٸلەتٸن بولادى», - دەدٸ مينيستر.
