Foto: IIM
IIM kiberqylmysqa qarsy is-qimyl departamentiniń bastyǵy Jandos Súiinbaidyń aitýynsha, dástúrli qylmystardyń basym bóligi internet keńistigine kóship, alaiaqtar zamanaýi tehnologiialardy paidalana bastaǵan, dep habarlaidy Ult.kz.
– Mundai qylmyspen kúres úsh baǵytta júrgizilýi kerek: zańnamalyq, tehnikalyq jáne profilaktikalyq sharalar. Osy úsheýi qatar iske asqanda ǵana kiberqylmysty toqtatýǵa bolady, – dedi ol.
2025 jyly bailanys operatorlarymen birlesip, 19 millionnan astam jalǵan qońyraý buǵattalǵan. Al júie iske qosylǵannan beri barlyǵy 85 millionnan astam kúmándi qońyraýǵa tosqaýyl qoiylǵan.
Sonymen qatar qylmystyq top qurý jáne basqarý derekteri boiynsha 6 qylmystyq is qozǵalǵan, onyń bireýi transulttyq sipatqa ie. Qabyldanǵan tehnikalyq sharalardyń nátijesinde 100 myńnan astam sim-karta tárkilenip, 88 sim-box alynǵan.
Ótken jyly tártip saqshylary shetelde 7 call-ortalyqtyń, al Qazaqstan aýmaǵynda 6 call-ortalyqtyń qyzmetin toqtatty.
IIM ókilderi azamattardyń quqyqtyq, kompiýterlik jáne qarjylyq saýattylyǵyn arttyrýǵa erekshe kóńil bólinetinin atap ótti. Politsiia alaiaqtyqtan qorǵaný úshin kibergigiena erejelerin saqtaýǵa keńes beredi: kúmándi siltemelerge ótpeý, bank kartalaryn bógde adamdarǵa bermeý jáne jeke derekterdi jariia etpeý qajet.
