Qazaqstan halyq partiiasy prezidenttikke Qasym-Jomart Toqaevtyń kandidatýrasyn usyndy, - dep habarlaidy Tengrinews.kz agenttigi.
Astanada QHP partiiasynyń kezekten tys XXI sezi ótip jatyr. Sezd jumysyna elimizdiń barlyq óńirinen delegattar qatysyp jatyr. Kún tártibinde 2022 jylǵy prezidenttik sailaý naýqanyna qatysty máseleler talqylanǵan. Partiia aldaǵy sailaýda Qasym-Jomart Toqaevty qoldaýǵa nietti.
"Kezekten tys prezidenttik sailaýda biz Memleket basshysy Qasym-Jomart Toqaevtyń kandidatýrasyn qoldaimyz. Geosaiasi kúireý jaǵdaiynda, búkil álem qarama-qaishy bloktarǵa ydyraǵan kezde, elimizge memlekettik basqarý men halyqaralyq saiasatta úlken tájiribesi bar adam qajet dep sanaimyn. Ómir boiy ózin esh jerde kórsetpegen diletanttar men demagogtar emes, eldiń damýy týraly naqty kózqarasy bar saiasatker. Sondyqtan men usynys engizemin: Konstitýtsiia boiynsha Memleket basshysy qandai da bir partiiada bolmasa da, bizdiń partiia jai ǵana qoldap qoimaidy, kezekten tys sailaýda qazirgi Prezident - Qasym-Jomart Toqaevtyń kandidatýrasyn usynady", - dedi partiia tóraǵasy Ermuhamet Ertisbaev.
Ertisbaev óz sózinde Memleket basshysynyń saiasaty "Qazaqstan halyq partiiasynyń ideologiiasy men qundylyqtaryna tolyq sáikes keletinin" atap ótti. QHP qazirgi prezidentti nasihattai otyryp, sailaý naýqanyna belsendi qatysýǵa niet bildirdi.
