قازاقستان حالىق پارتيياسى پرەزيدەنتتٸككە قاسىم-جومارت توقاەۆتىڭ كانديداتۋراسىن ۇسىندى, - دەپ حابارلايدى Tengrinews.kz اگەنتتٸگٸ.
استانادا قحپ پارتيياسىنىڭ كەزەكتەن تىس XXI سەزٸ ٶتٸپ جاتىر. سەزد جۇمىسىنا ەلٸمٸزدٸڭ بارلىق ٶڭٸرٸنەن دەلەگاتتار قاتىسىپ جاتىر. كٷن تەرتٸبٸندە 2022 جىلعى پرەزيدەنتتٸك سايلاۋ ناۋقانىنا قاتىستى مەسەلەلەر تالقىلانعان. پارتييا الداعى سايلاۋدا قاسىم-جومارت توقاەۆتى قولداۋعا نيەتتٸ.
"كەزەكتەن تىس پرەزيدەنتتٸك سايلاۋدا بٸز مەملەكەت باسشىسى قاسىم-جومارت توقاەۆتىڭ كانديداتۋراسىن قولدايمىز. گەوساياسي كٷيرەۋ جاعدايىندا, بٷكٸل ەلەم قاراما-قايشى بلوكتارعا ىدىراعان كەزدە, ەلٸمٸزگە مەملەكەتتٸك باسقارۋ مەن حالىقارالىق ساياساتتا ٷلكەن تەجٸريبەسٸ بار ادام قاجەت دەپ سانايمىن. ٶمٸر بويى ٶزٸن ەش جەردە كٶرسەتپەگەن ديلەتانتتار مەن دەماگوگتار ەمەس, ەلدٸڭ دامۋى تۋرالى ناقتى كٶزقاراسى بار ساياساتكەر. سوندىقتان مەن ۇسىنىس ەنگٸزەمٸن: كونستيتۋتسييا بويىنشا مەملەكەت باسشىسى قانداي دا بٸر پارتييادا بولماسا دا, بٸزدٸڭ پارتييا جاي عانا قولداپ قويمايدى, كەزەكتەن تىس سايلاۋدا قازٸرگٸ پرەزيدەنت - قاسىم-جومارت توقاەۆتىڭ كانديداتۋراسىن ۇسىنادى", - دەدٸ پارتييا تٶراعاسى ەرمۇحامەت ەرتٸسباەۆ.
ەرتٸسباەۆ ٶز سٶزٸندە مەملەكەت باسشىسىنىڭ ساياساتى "قازاقستان حالىق پارتيياسىنىڭ يدەولوگيياسى مەن قۇندىلىقتارىنا تولىق سەيكەس كەلەتٸنٸن" اتاپ ٶتتٸ. قحپ قازٸرگٸ پرەزيدەنتتٸ ناسيحاتتاي وتىرىپ, سايلاۋ ناۋقانىنا بەلسەندٸ قاتىسۋعا نيەت بٸلدٸردٸ.
