Májilis depýtaty Irina Smirnova Qazaqstan halyq partiiasynyń Sailaýaldy baǵdarlamasynyń jobasyn tanystyrdy, dep habarlaidy "Ult aqparat".
«Biz, Qazaqstan halyq partiiasy qarapaiym adamdardyń quqyqtary men zańdy múddelerin qorǵaý isin jalǵastyrý úshin Parlamentke baramyz. Birinshiden, bilim men meditsinanyń qoljetimgi men sapasy eskerilip otyr. Bilim alý qoljetimdi bolýy tiis. Ol úshin tegin bilim alýǵa kóshý kerek», - dedi I. Smirnova partiianyń kezekten tys XVI sezi barysynda.
Sonymen qatar ol meditsina salasyna shyǵystardy ulǵaitý máselesin kóterdi.
«Ekinshiden, halyqtyń baspana máselesin sheshýge ekpin qoiylady. Biz qazaqstandyqtar úshin jer telimi máselesin túbegeili sheshemiz. Ár otbasy baspana jáne úi sharýashylyǵy nysanyn salý úshin 20 sotyq jer alady. Memleket bul ýchaskelerge qajetti infraqurylymdy tartady», - dedi depýtat.
Sailaýaldy baǵdarlamadaǵy úshinshi bastama zeinet jasyna jetkenderge jaǵdai jasaýǵa arnalǵan. Osy oraida zeinet jasyn 60 jasqa deiin tómendetý eskerilgen.
Tórtinshi bastamada jer resýrstaryna memlekettik menshikti qorǵaý qamtylǵan.
Besinshiden, aýyl sharýashylyǵy ekonomikanyń draiveri bolyp, eldiń azyq-túlik qaýipsizdigin qamtamasyz etedi.
Altynshydan, bankterdiń esebinen jeke ári zańdy tulǵalar úshin nesielik raqymshylyq júrgizý qadamy qarastyrylǵan.
Sonymen qatar jetinshi bastamada salyq saiasatyna arnalǵan.
Segizinshiden, memlekettik sheshimderdi júzege asyrýdyń tiimdiligin baqylaý bastamasy qamtylǵan.
Munymen qosa, toǵyzynshy bastamada sot júiesine qatysty usynystar eskerilgen.
Onynshy bastamada halyqtyń rýhani murasyna nazar aýdarylyp otyr.
