Kómekke muqtaj qazaqstandyqtar, sondai-aq jan-jaqty kómek kórsetýge niet bildirgen demeýshiler óz ótinishterin «Qazaqstan halqyna» qorynyń tsifrlyq platformasy arqyly bere alady, - dep habarlaidy QazAqparat.
www.qazaqstanhalqyna.kz saity – kez kelgen adam jobalar boiynsha jańalyqtarmen, qarajattyń túsýi men jumsalýy boiynsha qarjylyq eseptermen, júzege asyrylǵan jobalardyń nátijelerimen tanysa alatyn aqparattyq portal.
Qaiyrymdylyq kómekke qalai júginýge bolatyny týraly qadamdyq nusqaýlardy «Ótinishti qalai bere alamyn» bóliminen bilýge bolady.
Osylaisha, paidalanýshylar avtomatty túrde www.atamekenim.kz portalyna Qaiyrymdylyq uiymdarynyń biryńǵai platformasyna jiberiledi. Ótinishti qaraýdy ótinish berýshi jatatyn jáne ótinish berýshi men qor arasyndaǵy ózara is-qimyldy qamtamasyz etý nietin bildirgen halyqtyń sanattarymen jumys isteitin ÚEU júzege asyrady.
www.atamekenim.kz saity qaiyrymdylyq uiymdarynyń halyqpen jumys jasaityn alańy bolyp tabylady. Sait eGov.kz elektrondyq úkimet portalynyń keibir málimetter bazasymen biriktirilgen. Aldaǵy ýaqytta ótinish berýshilerdiń mártebesi týraly tolyq aqparat alý úshin portaldy memlekettik jáne jergilikti atqarýshy organdardyń barlyq qoljetimdi derekter bazalarymen integratsiialaý jumystary júrgiziletin bolady.
Búgingi tańda sait densaýlyq saqtaý, bilim jáne ǵylym, turǵyn úi, negizgi qajettilikter jáne t.b salalarda jumys isteitin 86 qaiyrymdylyq uiymyn akkreditatsiialady.
Qor akkredittelgen qaiyrymdylyq uiymdarynyń sany artady dep kútýde.
Qordyń qamqorshylyq keńesi belgilegen árbir qyzmeti boiynsha demeýshilik kómekke júgingen tulǵalarmen jáne ÚEU-men ózara is-qimyldyń egjei-tegjeili erejelerin ázirleý qajet.
Ótinim Qordyń maqsattary men mindetterine sáikes kelmegen jaǵdaida qabyldanbaýy múmkin ekenin eskerińiz.
Ótinishterdi qaraý úshin Qor qyzmetiniń árbir baǵyty boiynsha Saraptamalyq komissiialar qurylady. Saraptamalyq komissiialardyń músheleri Qor qyzmetiniń bir salasy boiynsha sarapshy dep tanylǵan mamandar bola alady.
«Qazaqstan halqyna» qory jurtshylyqtyń pikirin eskere otyryp, saraptamalyq komissiialardyń quramyn qalyptastyrýǵa múddeli. Saraptamalyq komissiia múshelerine arnalǵan usynystardy saittyń «Sarapshylar» bólimine ótip jiberýge bolady.
Demeýshilerdiń usynystary qaiyrymdylyq sharalaryna qarajat bólýge de, qordyń ákimshilik shyǵyndaryn jabýǵa da qatysty bolýy múmkin.
Eske sala keteiik, Memleket basshysynyń bastamasymen qurylǵan «Qazaqstan halqyna» qory qiyn ómirlik jaǵdaiǵa tap bolǵan jáne qoldaýdy qajet etetin halyqqa densaýlyq saqtaý men áleýmettik qorǵaý salasynda tegin kómek kórsetedi. Qor sondai-aq múmkindigi tabystary men basqa da jaǵdailarǵa bailanysty shektelgen halyq toptary úshin áleýmettik qyzmetterdiń qoljetimdiligin qamtamasyz etýge kómektesedi.
Jeke jáne zańdy tulǵalardyń barlyq qaiyrymdylyqtary tek erikti negizde jasalady.
