«Qazaqstan halqyna» qorynyń óz saity bolady. Saitta jinalǵan jáne jumsalǵan qarjyǵa qatysty derekter ashyq kórsiteledi. Bul týraly qor tóraǵasy Bolat Jámishev málim etti, dep habarlaidy QazAqparat.
«Qordyń qamqorshylyq keńesine qatysty da kóp suraq týyndap jatyr. Keńes múshelerin kim sailady, nege halyq talqysyna salmady degen sekildi. Qor Memleket basshysynyń bastamasymen quryldy. Árine, qorǵa qarjy aýdarǵan qoǵamdyq uiym nemese jeke tulǵa onyń qaida jumsalyp jatqanyn bilýge quqyly. Jinalǵan qarajattyń tiimdi jumsalýyna qatysy Úkimetke de áleýmettik jaýapkershilik júgi artylady. Sondyqtan keńes múshelerin Úkimet bekitip, bizge usyndy. Óz basyma kelsem, qor tóraǵasy retinde qamqorshylyq keńes quramynda men de barmyn. Maǵan qor jumysyn uiymdastyrý, júrgizý mindeti jútkelgen», - dedi Bolat Jámishev «Habar 24» arnasynyń «Oshakbaev LIVE» baǵdarlamasynyń efirinde.
Onyń aitýynsha, qoǵamdyq jumys halyq úshin ashyq túrde júzege asýy tiis.
«Óz saitymyzdy ázirleimiz. Qorǵa túsken ár teńge jáne onyń qaida jumsalǵany týraly esep beriledi. Ol esep saitqa jariialanady. Qazir osy jumysty uiymdastyrýmen ainalysyp jatyrmyz», - deidi ol.
