«قازاقستان حالقىنا» قورىنىڭ ٶز سايتى بولادى. سايتتا جينالعان جەنە جۇمسالعان قارجىعا قاتىستى دەرەكتەر اشىق كٶرسٸتەلەدٸ. بۇل تۋرالى قور تٶراعاسى بولات جەمٸشەۆ مەلٸم ەتتٸ, دەپ حابارلايدى قازاقپارات.
«قوردىڭ قامقورشىلىق كەڭەسٸنە قاتىستى دا كٶپ سۇراق تۋىنداپ جاتىر. كەڭەس مٷشەلەرٸن كٸم سايلادى, نەگە حالىق تالقىسىنا سالمادى دەگەن سەكٸلدٸ. قور مەملەكەت باسشىسىنىڭ باستاماسىمەن قۇرىلدى. ەرينە, قورعا قارجى اۋدارعان قوعامدىق ۇيىم نەمەسە جەكە تۇلعا ونىڭ قايدا جۇمسالىپ جاتقانىن بٸلۋگە قۇقىلى. جينالعان قاراجاتتىڭ تيٸمدٸ جۇمسالۋىنا قاتىسى ٷكٸمەتكە دە ەلەۋمەتتٸك جاۋاپكەرشٸلٸك جٷگٸ ارتىلادى. سوندىقتان كەڭەس مٷشەلەرٸن ٷكٸمەت بەكٸتٸپ, بٸزگە ۇسىندى. ٶز باسىما كەلسەم, قور تٶراعاسى رەتٸندە قامقورشىلىق كەڭەس قۇرامىندا مەن دە بارمىن. ماعان قور جۇمىسىن ۇيىمداستىرۋ, جٷرگٸزۋ مٸندەتٸ جٷتكەلگەن», - دەدٸ بولات جەمٸشەۆ «حابار 24» ارناسىنىڭ «وشاكباەۆ LIVE» باعدارلاماسىنىڭ ەفيرٸندە.
ونىڭ ايتۋىنشا, قوعامدىق جۇمىس حالىق ٷشٸن اشىق تٷردە جٷزەگە اسۋى تيٸس.
«ٶز سايتىمىزدى ەزٸرلەيمٸز. قورعا تٷسكەن ەر تەڭگە جەنە ونىڭ قايدا جۇمسالعانى تۋرالى ەسەپ بەرٸلەدٸ. ول ەسەپ سايتقا جارييالانادى. قازٸر وسى جۇمىستى ۇيىمداستىرۋمەن اينالىسىپ جاتىرمىز», - دەيدٸ ول.
