Keiingi táýlikte "Qazaqstan halqyna" qoryna taǵy 1,2 milliard teńge tústi. Bul týraly qordyń baspasóz qyzmeti habarlady.
Habarlamaǵa sáikes, 2 aqpanda aqsha aýdarǵandar:
- Týrlov Timýr Rýslanuly - 500 million teńge;
- Ydyrysov Dinmuhamet Appazuly - 300 million teńge;
- Esenov Ǵalymjan Shahmardanuly - 250 million teńge;
- "Baǵystan" JShS - 100 million teńge;
- Vertex Trans JShS - 20 million teńge;
- "Edelveis Trans" JShS - 20 million teńge.
Osylaisha qazirge deiin qorǵa 113,4 milliard teńge aýdarylǵan. Bul qarajat 2022 jyldyń 16 qańtary men 2 aqpany aralyǵynda jinaldy.
Eske salaiyq, buǵan deiin qor jylyna keminde 100 milliard teńge kóleminde qarajat jinaidy dep boljanǵan bolatyn. Boljamdyq esepteýler sheteldik jáne halyqaralyq kompaniialardan qarajat alýdy kózdemegen.
«Qazaqstan halqyna» Qoǵamdyq qory Memleket Basshysy Qasym-Jomart Toqaevtyń densaýlyq saqtaý, bilim berý, áleýmettik sala, mádeniet jáne sport salalaryndaǵy naqty máselelerdi sheshý jónindegi bastamasyn qoldaǵan barlyq qazaqstandyqtarǵa, iri kásiporyndarǵa, eńbek ujymdaryna alǵys bildiredi.
