QR Prezidenti Qasym-Jomart Toqaev Úkimettiń keńeitilgen otyrysynda «Qazaqstan halqyna» qorynyń jumysyna toqtaldy, dep habarlaidy QazAqparat.
«Biznesten salyqtyq adaldyq pen áleýmettik jaýapkershilik talap etiledi. Bul tásildiń bir kórinisi – «Qazaqstan halqyna» beriletin qaiyrymdylyq. Men buǵan deiin aitqan bolatynmyn, búgin ony qalyptastyrý negizinen iri ulttyq býrjýaziia esebinen júrýi tiis ekenin taǵy da qaitalaimyn. Degenmen basqa kompaniialardyń, sonyń ishinde sheteldik investorlardyń jarnalary, árine, quptalady», - dedi Qasym-Jomart Toqaev.
Prezident bul qorǵa aqsha aýdarý májbúrli shara emes ekenin eske saldy.
«Taǵy da atap ótkim keletini – bul májbúrleý emes. Tabysty kompaniialar men azamattarǵa jalpyulttyq igi maqsattarǵa qarajat bólý múmkindigi», - dedi Memleket basshysy.
