«Qazaqstan halqyna» qoǵamdyq qoryna kelip túsken ótinimderdiń 70 paiyzy uiymnyń qyzmetine sáikes kelmeidi. Bul týraly atalǵan qordyń tóraǵasy Bolat Jámishev málim etti, dep habarlaidy QazAqparat.
Osy oraida ol Qor turǵyn úi satyp alýmen, azamattardyń nesielerin óteýmen ainalyspaitynyn atap ótti.
«Qaiyrymdylyq kómek týraly barlyq ótinim qordyń elektrondy portaly arqyly kelip túsedi. Búginde Qor qurylǵan sátten bastap Qazaqstannyń barlyq óńirinen 30 myńnan astam ótinim keldi. Onyń 70 paiyzy Qordyń qyzmetine sáikes kelmeidi. Olardyń kóbisi baspana satyp alý men nesieni óteýge qatysty», - dedi Jámishev Ortalyq kommýnikatsiialar qyzmetinde.
Onyń aitýynsha, qalǵan ótinimder jarǵylyq mindetterge sáikes keledi.
