Sonymen qatar, qoǵamdyq qorǵa erikti retinde 6519 qazaqstandyq aqsha aýdarǵan. Qazir onyń jalpy somasy 10,1 million teńgeden asady.
"Qazaqstan halqyna" qoǵamdyq qory Memleket basshysy Qasym-Jomart Toqaevtyń densaýlyq saqtaý, bilim berý, áleýmettik, mádeniet jáne sport salalaryndaǵy naqty máselelerdi sheshý jónindegi bastamasyn qoldaǵan qazaqstandyqtarǵa, iri kásiporyndarǵa, eńbek ujymdaryna alǵys bildiredi.
Premer-ministr Álihan Smaiylovqa jáne onyń keńsesiniń, Prezident ákimshiliginiń jáne basqa da memlekettik jáne jeke uiymdardyń qyzmetkerlerine bir kúndik jalaqysyn aýdarý arqyly qoldaý kórsetkeni úshin alǵys bildiremiz", - dedi qor ókili.
Qor basshylyǵy barlyq qarjynyń ashyqtyǵy men eseppen jumsalýy qamtamasyz etiletinin málimdedi. Aqsha "Qazaqstan halqynyń igiligi úshin, densaýlyq saqtaý, áleýmettik sala, bilim, mádeniet jáne sport máselelerin sheshýge" baǵyttalatyny aityldy.
"Qor sirek kezdesetin jáne basqa da aýrýlary bar balalarǵa, halyqtyń áleýmettik osal toptaryna, qaza tapqan áskeri qyzmetshilerdiń, quqyq qorǵaý, arnaiy organdar qyzmetkerleriniń otbasylaryna, basqa da qaiyrymdylyq maqsattarǵa qoldaý kórsetedi", - dep tolyqtyrdy qor ókili.
Biznes-qoǵamdastyqtyń ókilderi, metsenattar men azamattar "Qazaqstan halqyna" QQ shotyna myna derektemelerdiń biri boiynsha qarajat aýdara alady:
- "Qazaqstan halqyna" qoǵamdyq qory, JSN/BSN: 220140006999, Kbe 18, KZ97601A871001692501 KZT, "Qazaqstan Halyq Banki" AQ;
- "Qazaqstan halqyna" qoǵamdyq qory, JSN/BSN: 220140006999, Kbe 18, KZ52722S000011856768 KZT, Kaspi Bank AQ.
