«Qazaqstan halqyna» qoǵamdyq qory IIM, Ulttyq qaýipsizdik komiteti qyzmetshileri jáne Qorǵanys ministrligi jáne Ulttyq ulannyń áskeri qyzmetshilerine kómek retinde materialdyq tólem tólei bastady, dep habarlaidy QazAqparat.
Onyń ishinde qaza tapqan 19 qyzmetker men aýyr jaraqat alǵan 106 adamnyń otbasy músheleri bar.
Tólemder joǵaryda atalǵan memlekettik organdardan alynǵan resmi tizim negizinde júzege asyrylady.
Bul sanattaǵy jábirlenýshilerge arnalǵan tólemniń jalpy somasy - 451 million teńge.
Eske salaiyq, buǵan deiin Qamqorshylyq keńes qor basqarmasyna qaza tapqan jáne aýyr jaralanǵan áskeri qyzmetkerlerdiń otbasylaryna, ishki ister jáne ulttyq qaýipsizdik organdary qyzmetkerlerine belgilengen somalardy tóleýdi tapsyrǵan bolatyn. Sondai-aq, keńeske adam quqyqtary jáne bala quqyqtary jónindegi ýákilderdiń qorǵa usynǵan tizimderinen kezdeisoq zardap shekken azamattardyń óliminiń mán-jaiyn quzyrly organdarmen birlesip pysyqtaý tapsyryldy.
Qor ýákiletti memlekettik organdardan tiisti resmi málimetter alǵannan keiin osy sanattaǵy qaza bolǵandardyń týystaryna tólemderdi júrgizýdi bastaidy.
