Qurmetti otandastar!
Qazaqstan Prezidenti N.Á.Nazarbaev «Bolashaqqa baǵdar: rýhani jańǵyrý» atty baǵdarlamalyq maqalasynda qoǵamdyq sanany jańǵyrtýdyń naqty baǵyttaryn sipattap berdi.
2017 jyl – Qazaqstannyń ekonomikalyq ósýiniń jańa úlgisin jasap, bizdiń jahandyq básekege qabilettiligimizdi qamtamasyz etetin Úshinshi jańǵyrýdy iske asyrý qolǵa alynǵan jańa dáýirdiń basy boldy.
Jańa konstitýtsiialyq reforma aýqymdy saiasi jańǵyrýdyń negizin qalap, Úshinshi jańǵyrýdy iske asyrýǵa arnalǵan qoǵamdyq-saiasi alǵysharttardy qalyptastyrdy.
Qoǵamdyq sanany jańǵyrtý jónindegi Memleket basshysynyń ideiasy búgingi tańda óte qajetti jáne oryndy ideia.
Biz saiasi ultty qalyptastyrý jolyndamyz. Álemde aldyńǵy qatardan tabylý úshin bizdiń árqaisymyz jáne barshamyz birigip ózimizdiń sanamyzdy, oi-órisimizdi ózgertip, eskirgen taptaýryndyqtardan arylýymyz kerek.
«Qazaqstan – 2050» Strategiiasynda Qazaqstan Prezidenti «Dástúr men mádeniet – ulttyń genetikalyq kody» dep kórsetken. Jańa tuǵyrnamada jańǵyrýdyń basty sharty - óz mádenietińdi, ózińniń ulttyq kodyńdy saqtaý ekeni erekshe kórsetilgen. Qoǵamnyń rýhani jańǵyrýy ozyq dástúrler men ulttyq-mádeni negizderge arqa súieýi kerek.
Burynǵy innovatsiialar búgin dástúrge ainaldy, búgingi innovatsiialar erteń dástúrge ainalady. Mundai ustanym halqymyzdyń ótkenin, qazirgi kúni men bolashaǵyn jalǵaýǵa, ulttyq sananyń áralýan poliýsterin jaqyndatýǵa múmkindik beredi.
Elbasy qoǵamdy da, sondai-aq árbir azamatty da jańǵyrtýdyń birqatar negizgi baǵyttaryn erekshe bólip kórsetip otyr.
Birinshiden, bul – básekege qabilettilik, kompiýterlik saýattylyq, shet tilderdi bilý, mádeni ashyqtyq siiaqty faktorlarǵa negizdelgen tyń jańalyqtardy álemge usyný qabileti.
Ekinshiden, bul – pragmatizm. Ol birqatar ádetter men taptaýryndyqtardan bas tartýdy da, sonymen birge ulttyń pragmatikalyq minez-qulqy men utymdy oilaýyn, ata-babalar daǵdylarynyń tarihi tájiribesin de qamtidy.
Úshinshiden, ulttyq biregeilikti saqtaý, ulttyq sana ózgergen kezde ulttyq «Men»-niń ishki máiegin saqtaý.
Búginde, barlyq jaǵymsyz nárselerge dástúr men salt-sanany qarsy qoiýǵa bolady. Sonymen birge, biz ulttyń damýyna kedergi keltiretin ótkenniń sarqynshaqtarynan arylýymyz kerek.
Tórtinshiden, bilim saltanaty – ulttyń jetistigi. Aldaǵy tehnologiialyq revoliýtsiia qazirgi jekelegen kásipterdiń joiylýyna alyp kelgen kezde, bilim - qol jetkizer tabystyń eń irgeli faktory bolmaq.
Besinshiden, tek qana evoliýtsiialyq damý bizdiń órkendeýimizge jol ashady, bul jańǵyrý ideologiiasynyń qaǵidaty jáne Qazaqstannyń árbir azamatynyń ishki senimi.
Altynshydan, sananyń ashyqtyǵy, aýma-tókpe zamanda qoǵamnyń jáne árbir adamnyń ózgeriske daiyn bolýy.
Bul kózqarastar qoǵamdyq sananyń jańǵyrýy úshin irgeli negiz bolady.
Memleket basshysy aldaǵy jyldarǵa arnalǵan birqatar naqty jobalardy aiqyndady.
Aldymen, bul - qazaq tilin jahandyq aqparat jáne bailanys álemine jol ashatyn latyn álipbiine kóshirý.
Álemdik ǵylym men tehnologiialardyń, gýmanitarlyq bilimniń sońǵy jetistikterin qamtityn 100 jańa oqýlyq memlekettik tilge aýdarylyp, basyp shyǵarylady.
«Týǵan jer» baǵdarlamasy kásipkerlerdiń, sheneýnikterdiń, ziialy qaýym ókilderi men jastardyń ózderiniń kindik qany tamǵan jerine qamqorlyq jasap, qoldaý kórsetýine, patriotizmdi qalyptastyrýǵa qolaily múmkindik beredi.
«Qazaqstannyń kieli jerleriniń geografiiasy» jobasy jalpyulttyq qasietti oryndardy jáne asa qasterli jerlerdi saqtaýǵa, sondai-aq eldegi týristik infraqurylymdy damytýǵa múmkindik beredi.
«Jahandaǵy zamanaýi qazaqstandyq mádeniet» jobasyn iske asyrý Qazaqstandy óz shyǵarmashylyǵy arqyly dúniejúzine tanytatyn kóptegen talanttarǵa jol ashady.
«Qazaqstandaǵy 100 jańa esim» jobasy búgingi zamandastarymyzdyń túrli salalardaǵy jetistikterin dáripteýdi qamtamasyz etedi jáne jastardy adamgershilikke tárbieleýdiń jarqyn úlgisi bolady.
Bul tapsyrmalar memlekettiń jáne azamattyq qoǵamnyń barlyq ideologiialyq jumysynyń orta merzimdi perspektivadaǵy negizi bolady.
Elbasynyń «jańǵyrýǵa degen ishki umtylys – bizdiń damýymyzdyń eń basty qaǵidasy» degen tezisi búgingi tańda óte ózekti.
Sanany jańǵyrtý bizdiń maqsattarymyzdyń birligin, qundylyqtarymyzdyń ortaqtyǵyn jáne qoǵamdyq kelisimniń qýatyn aishyqtaidy.
Jańa ideologiialyq tuǵyrnama konstitýtsiialyq reformany, Úshinshi jańǵyrýdyń ekonomikalyq órkendeýin tolyqtyra túsedi jáne Qazaqstannyń HHI ǵasyrdaǵy tabysty damýynyń dildik qozǵaýshy kúshi bolyp tabylady.
Qoǵamdyq sananyń ózgerýi synaptai syrǵyǵan ýaqytta, jańa syn-qaterler zamanynda Qazaqstannyń damýynyń negizi bolatyn turaqtylyqty, birlikti, tatýlyqty nyǵaitýǵa múmkindik beredi.
Biz, qazaqstandyqtardy jaýapkershilikti moiynǵa alyp, jańa ideologiialyq «Bolashaqqa baǵdar: rýhani jańǵyrý» tuǵyrnamasyn iske asyrýǵa belsene qatysýǵa shaqyramyz!
Biz, halqymyzdyń shyǵarmashylyq áleýeti árdaiym asqan biik ulttyq rýhtyń, jeńis rýhynyń, kemeldikke, álemdik órkenietten laiyqty oryn alýǵa umtylýdyń jarqyn kórinisi bolatynyna senimdimiz!
Alǵa, Qazaqstan!
Qazaqstan halqy Assambleiasynyń Keńesi,
Astana qalasy, 2017 jylǵy 12 sáýir
