Qazaqstan qazirgi ahýalǵa qaramastan strategiialyq damý maqsattaryn dáiekti túrde iske asyrady. Bul týraly «Nur Otan» partiiasynyń kezekten tys XX Sezinde QR Prezidenti Qasym-Jomart Toqaev aitty, dep habarlaidy "Ult aqparat".
«Partiiamyzdyń kezekten tys XX Sezi kúrdeli ári mańyzdy kezeńde ótkizilip otyr. Bul - memleketimizdiń qoǵamdyq-saiasi ómirindegi aitýly oqiǵa. Búginde «Nur Otan» partiiasy el taǵdyryna jaýapty eń basty saiasi kúshke ainaldy. Halqymyz bizge qashanda zor senim artady. Ásirese jahandyq daǵdarys kezinde el amanatyna erekshe kóńil bólýimiz kerek. Búkil álemge taraǵan pandemiia Qazaqstanǵa da ońai tigen joq. Memleket azamattarymyzdyń densaýlyǵyn qorǵaý úshin barlyq qajetti sharalardy qabyldap jatyr», - dedi Qazaqstan Prezidenti.
Memleket basshysy partiia tarapynan halyqqa udaiy qoldaý kórsetilip kele jatqanyn aitty. Sondai-aq, partiia belsendileri jáne eriktileri muqtaj jandardan kómegin aiamaǵanyn atap ótti.
«Osyndai naqty jumys pen janashyrlyq bereke-birligimizdi arttyra túsedi. Qazaqstan qazirgi ahýalǵa qaramastan strategiialyq damý maqsattaryn dáiekti túrde iske asyrady. Bul rette Elbasy saiasatynyń sabaqtastyǵyn qamtamasyz etý - negizgi mindettiń biri. Men biylǵy Joldaýymda partiianyń qoǵamdaǵy jetekshi róli týraly aittym. Biz reformalardy júzege asyrý barysynda «Nur Otan» partiiasynyń zor áleýetine súienemiz», - dedi Qasym-Jomart Toqaev.
