Saýda jáne integratsiia ministri Baqyt Sultanov Qazaqstannan shetelge bal eksporttaýǵa qoldaý jasalyp otyrǵanyn aitty, dep habarlaidy QazAqparat.
«Eksporttyq qarjylandyrý boiynsha paiyzdyq stavkany sýbsidiialaý turǵysynda taǵy bir qadamǵa bastamashylyq ettik. Bul óz kezeginde syrtqy naryqtarǵa joǵary tehnologiialyq ónimdi jetkizý boiynsha sharttarǵa qoldaý jasaidy. Qoldaýdyń osy túrin kútip otyrǵan kásiporyndar tizimi bar, olar jyl saiyn 300 mlrd teńgeden astam somaǵa osyndai ónimdi eksporttaýǵa daiyn», - dedi ministr onlain rejimde halyq aldynda esep berý kezinde.
Osy oraida ol eksporttaýshylarmen táýlik boiy bailanysta bolý tetikteri eskerilgenin jetkizdi.
«Biyl Lepsiden Birikken Arab Ámirligine 10 tonna bal jetkizýge kómektestik. Sonymen qatar, 22 tonna et ónimine aviaekspress uiymdastyrdyq. Ótken jyly alǵash ret bizdiń akkýmýliatorlardy Italiiaǵa eksporttaý iske asyryldy. Kambodjaǵa ushý-navigatsiialyq trenajerlerin jónelttik. Bul óz kezeginde eksporttaýshylar úshin memlekettik qoldaý sharalary eleýli ekenin baiqatyp otyr», - dedi Sultanov.
