Qazaqstan qalalarynda 3 tamyzdan bastap karantin sharalary qaita kúsheitiledi, dep habarlaidy "Ult aqparat".
Qostanai oblysynyń memlekettik bas sanitar dárigeriniń orynbasary Iu. Sevostianov óńirde qatań shekteý sharalaryn engizý týraly qaýlyǵa qol qoidy.
3 tamyzdan bastap taǵy da da saiabaqtarǵa, alańdar men skverlerge, jaǵalaýlarǵa, qoǵamdyq jáne uiymdastyrylmaǵan jaǵajailarǵa, halyqtyń ózge de demalys oryndaryna barýǵa tyiym salynady... Qatań shekteý sharalary 3 tamyz úni saǵat 00:00 bastap kúshine enedi.
Mańǵystaýda 3 tamyzdan bastap jańa karantin talaptary kúshine enedi.
Qaýlyǵa sáikes, aimaqta 3 tamyz saǵat 00.00-den bastap 17 tamyz saǵat 00.00-ge deiin qatań shekteý sharalary engiziledi.
Qaýlyǵa sáikes, qala mańyndaǵy jáne qalalyq qoǵamdyq kóliktiń jumysy toqtap, barlyq uiymdarda jinalystar, keńester, konferentsiialar, forýmdar, seminarlar, sezder, kórmeler, treningter, oqytý kýrstaryn jáne adamdar kóp jinalatyn basqa da is-sharalardy, sondai-aq otbasylyq, estelik is-sharalardy (banketter, úilený toilar, mereitoilar, eske alý rásimderi t.b.) ótkizýge tyiym salynady.
3 tamyzdan bastap Almatyda túngi 00:00 den bastap COVID-19 taralýynyń aldyn alý úshin qosymsha shekteý sharalary engiziledi. Sonymen qatar, qalada úi karantinin saqtamaǵandarǵa aiyppul salynatyn boldy.
Elordanyń bas memlekettik sanitar dárigeri 2020 jyldyń 3 tamyzynan bastap Nur-Sultan qalasynda qatań shekteý sharalaryn uzartý týraly qaýlyǵa qol qoidy.
Qalada kosmetikalyq jáne kosmetologiialyq qyzmetter, manikiýr jáne pedikiýr qyzmetterin kórsetetin SPA-ortalyqtar, trenajer zaly, fitnes-ortalyqtar, sport-saýyqtyrý ortalyqtary, basseinder, akvaparkter, jaǵajailar, qoǵamdyq monshalar, saýnalar, sulýlyq salondary men shashtarazdar, ortalyqtar men salondar ýaqytsha istemeidi.
Sonymen qatar, attraktsiondardyń barlyq túri, onyń ishinde ashyq aýada, turǵyn úilerdiń aýlasynda jáne jalpy paidalaný oryndarynda ornalasqan balalardyń oiyn alańdarynyń jumysyna tyiym salyndy. Qala saiabaqtarynda, jaǵalaýda, skverlerde balalar men eresekterge arnalǵan quraldar (elektromobil, qulaityn avtomobil, samokat, giroskýter) jalǵa berilmeidi.
