- Búgin Aqordada elimizge alǵashqy resmi saparmen kelgen Izrail Premer-ministri Biniamin Netaniahý men QR Prezidenti Nursultan Nazarbaevtyń keńeitilgen quramdaǵy kelissózderinen keiin birqatar ekijaqty qujat rásimdeldi, dep habarlaidy QazAqparat.
Atap aitqanda, Qazaqstan Respýblikasy men Izrail memleketiniń Úkimetteri arasynda aýyl sharýashylyǵy salasyndaǵy yntymaqtastyq týraly kelisimge QR Premer-Ministriniń orynbasary-Aýyl sharýashylyǵy ministri A.Myrzahmetov pen Izraildiń Qorshaǵan ortany qorǵaý jáne Ierýsalim isi jónindegi ministri Z.Elkin;
- Qazaqstan Respýblikasy men Izrail memleketiniń Úkimetteri arasynda biometriialyq ulttyq pasport ielerin vizalyq talaptardan bosatý jónindegi nieti týraly birlesken deklaratsiiaǵa QR Syrtqy ister ministri E.Ydyrysov pen Izraildiń Qorshaǵan ortany qorǵaý jáne Ierýsalim isi jónindegi ministri Z.Elkin;
- Qazaqstan Respýblikasy men Izrail memleketi arasyndaǵy áýe qatynastary salasyndaǵy yntymaqtastyq týraly memorandýmǵa QR Investitsiialar jáne damý ministri J.Qasymbek pen Izraildiń Qorshaǵan ortany qorǵaý jáne Ierýsalim isi jónindegi ministri Z.Elkin;
- QR Memlekettik qyzmet isteri jáne sybailas jemqorlyqqa qarsy is-qimyl agenttigi men Izraildiń Memlekettik qyzmet komissiiasy arasyndaǵy túsinistik týraly memorandýmǵa QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Q.Qojamjarov pen Qazaqstandaǵy Izrail Elshisi M.Brodskii;
- «QR Tehnologiialyq damý jónindegi ulttyq agenttigi» men Izrail memleketiniń tehnologiialyq innovatsiialar boiynsha ulttyq ókiletti organy arasynda tehnologiialyq innovatsiialar, ónerkásiptik zertteýler men ázirlemeler salasyndaǵy yntymaqtastyq týraly kelisimge «Báiterek» UBH» basqarma tóraǵasy E.Dosaev pen Qazaqstandaǵy Izrail Elshisi M.Brodskii qol qoidy.
.jpeg)