QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda investitsiialar jáne damý ministri Jeńis Qasymbek Memleket basshysynyń shikizattyq emes eksportty 2025 jylǵa qarai eki esege ulǵaitý boiynsha bergen tapsyrmasyn iske asyrý barysy týraly aityp berdi, dep habarlaidy "Ult aqparat" Úkimet basshysynyń baspasóz qyzmetine silteme jasap.
J. Qasymbektiń aitýynsha, búginde Qazaqstan iri eksporttaýshy elder arasynda 52-orynǵa ie. Jalpy, álemniń 113 eline óńdeý sektorynyń 800-den astam taýary eksporttalady.
2017 jyldyń toǵyz aiynyń qorytyndysy boiynsha óńdelgen taýarlar eksporty 22%-ǵa ósip, $11,1 mlrd qurady. Ferroqorytpalar, munai ónimderi, mys, metall prokaty, propan jáne býtan, myrysh jetkizý kólemi ulǵaityldy. Óńdelgen taýarlar úlesi eksporttyń jalpy kóleminde 32%-dy quraidy.
Ministrdiń sózine kelsek, eksporttyq qoldaýdy jetildirý maqsatynda «Ulttyq eksporttyq strategiia» úkimettik baǵdarlamasy ázirlengen. Sondai-aq, jyl sońyna deiin eksporttyq áleýetke ie óndiristerge qoldaý kórsetý boiynsha óńirlik shara josparlary qabyldanady.
Strategiiada alǵa qoiylǵan maqsattarǵa qol jetkizý úshin aýyl sharýashylyǵy taýar óndirýshileriniń eksportyn yntalandyrý boiynsha qosymsha tetikter engiziletin bolady — bul syrtqy naryqtarda otandyq ónimniń básekege qabilettiligin arttyrady.
«Jalpy alǵanda, 2015–2019 jyldarǵa arnalǵan Indýstrialdy-innovatsiialyq damý memlekettik baǵdarlamasynyń maqsattaryna qol jetkizýmen qatar Qazaqstannyń Ulttyq eksporttyq strategiiasyn sátti iske asyrý Memleket basshysynyń 2025 jylǵa qarai shikizattyq emes eksport kólemin eki esege ulǵaitýǵa bailanysty bergen tapsyrmasyn tabysty oryndaýǵa jol ashady», — dedi J. Qasymbek.
.jpeg)