Óli teńizdiń jaǵalaýynda «Yntymaqtastyq úshin jańa alańdy ázirleý» taqyrybynda Taiaý Shyǵys pen Soltústik Afrika jónindegi Dúniejúzilik ekonomikalyq forýmnyń (DEF) 10-shy óńirlik otyrysy ótti. Forýmnyń jumysyna Syrtqy ister ministri Beibit Atamqulov bastaǵan qazaqstandyq delegatsiia qatysty.
Is-shara baǵdarlamasy arab álemindegi Tórtinshi ónerkásiptik revoliýtsiia, ekonomikanyń jańa úlgisin qalyptastyrý, óńirdiń aldynda turǵan ortaq syn-qaterlerdi sheshý úshin nusqaýlyq, kóptujyrymdamalyq álemde ortaq túiisý núktelerin izdestirý jáne salalyq dialogtardyń bolashaǵy siiaqty máselelerdi qamtydy.
Forým Iordaniia Koroli II Abdallanyń qoldaýy jáne qatysýymen uiymdastyryldy. Is-shara myńdaǵan memlekettik, iskerlik jáne qoǵamdyq kóshbasshylardy óńirdegi jáne búkil álemdegi tereń ekonomikalyq, áleýmettik jáne geosaiasi ózgeristerdiń kezeńinde dialog pen ortaq is-qimyldar úshin jańa joldardy qalyptastyrý maqsatynda jinady. DEF memlekettik-jekemenshik áriptestik jónindegi halyqaralyq uiym bola tura, álemniń iri kompaniialarynyń, úkimetterdiń jáne azamattyq qoǵamnyń ókilderin memlekettik jáne jekemenshik sektorlardyń arasyndaǵy yntymaqtastyqty óńirdiń bolǵashaǵyna qatysty mańyzdy máseleler boiynsha damytý úshin biriktirdi.
Forýmnyń aiasynda Qazaqstan syrtqy saiasat vedomstvosynyń basshysy shet memleketterdiń jáne halyqaralyq biznestiń ókildermen birqatar kezdesýler ótkizip, yntymaqtastyqtyń ózekti máselelerin talqylady.
DEF negizin qalaýshysy jáne Atqarýshy tóraǵasy Klaýs Shvabpen elimizdiń osy jahandyq saraptaý uiymymen on bes jyldyq áriptestiginiń qorytyndylaryn talqylandy. DEF-tiń talqylaý alańdarynda týyndaǵan ideialar halyqaralyq sipattaǵy mańyzdy sheshimderdiń negizine jii ainalatynyn atap ótý qajet. Kezdesý barysynda Qazaqstan men DEF arasyndaǵy ózara yqpaldastyqty keńeitý josparyna basa nazar aýdaryldy.
Ministr B.Atamqulov pen Eýropalyq qaita qurý jáne damý bankiniń (EQDB) Prezidenti Sýma Chakrabarti arasynda ótken kezdesý barysynda taraptar Banktiń qatysýymen alda Qazaqstanda ótetin iri is-sharalar boiynsha, onyń ishinde QR Prezidenti janyndaǵy Sheteldik investorlar keńesiniń (ShIK) otyrysy men Astanalyq ekonomikalyq forým boiynsha saǵattaryn salystyryp tekserdi.
Qazaqstanmen ózara is-qimyldy taldai otyryp, taraptar EQDB tabysty yntymaqtastyqtyń úlgisi bolyp tabylady degen ortaq oiǵa keldi. Qazirgi tańda Qazaqstan eknomikasynyń ár túrli salalarynda Banktiń qatysýymen iske asyrylyp jatqan jalpy kólemi 8 mlrd. doll. astam somany quraityn shamamen 250 joba iske asyrylýda.
Iordaniia Koroli II Abdallanyń qabyldaýynda QR syrtqy saiasat vedomstvosynyń basshysy QR Tuńǵysh Prezidenti – Elbasy Nursultan Nazarbaevtyń saiasatyna sáikes eldiń syrtqy saiasi baǵytynyń sabaqtastyǵyn jáne ózgermeitindigin erekshe atai otyryp, Qazaqstannyń ishki saiasi ómirinde bolǵan mańyzdy ózgerister týraly aityp berdi.
Kezdesý barysynda Elbasy men Korol Abdallanyń arasynda qalyptasqan jyly qarym-qatynastar ár túrli salalardaǵy yntymaqtastyqty keńeitýge sebep bolǵany erekshe ataldy. Ǵarysh salasy men kiber qaýipsizdik siiaqty eki el úshin jańa salalarda ekijaqty dialogty odan ári keńeitý týraly ýaǵdalastyqqa qol jetkizdi.
Qazaqstandyq bastamalarǵa, atap aitqanda dinaralyq dialog pen etnokonfessiialyq toleranttylyq boiynsha bastamalarǵa, sondai-aq Koroldiń álemdik jáne dástúrli dinder kóshbasshylarynyń sezderi jumysyna belsendi qatysqany úshin Iordan tarapyna alǵys bilidirildi.
Iordaniialyq monarh Iordaniia baiqaýshy retinde qatysatyn, osy eldegi zorlyq-zombylyq deńgeiin edáýir tómendetip, beibitshilik úderisin qurýdyń alǵysharttaryn jasaǵan Siriia jónindegi Astanalyq kelissózderdi ótkizý boiynsha bastamany qoldaǵany úshin Elbasyǵa alǵys bildirdi.
Sonymen qatar, Forýmnyń aiasynda Armeniia Prezidenti Armen Sarkisianmen, Latviia Syrtqy ister ministri Edgars Rinkevichspen, Iordaniia Syrtqy ister ministri Aiman Ál-Safadimen kezdesýler ótkizildi. Onda Qazaqstan men osy elder arasyndaǵy yntymaqtastyqtyń aǵymdaǵy jaǵdaiy men ony keńeitý máseleleri talqylandy.
Budan basqa, Forýmnyń aiasynda riteil, qarjy, agroónerkásiptik keshen, IT, taý-ken jáne metallýrgiia sektory, logistika jáne jańartylatyn energiia kózderi siiaqty salalarda jumys isteitin Taiaý Shyǵys óńirindegi (Iordaniia, Saýd Arabiiasy, Birikken Arab Ámirlikteri jáne Kýveit) iri halyqaralyq kompaniialardyń ókilderimen kezdesýler ótkizildi. Kezdesýlerdiń qorytyndysy boiynsha kompaniialar birlesken jobalardy júzege asyrýǵa qyzyǵýshylyq tanytty jáne naqty josparlardy talqylaý úshin jaqyn arada Qazaqstanǵa kelýdi josparlap otyr.
