ٶلٸ تەڭٸزدٸڭ جاعالاۋىندا «ىنتىماقتاستىق ٷشٸن جاڭا الاڭدى ەزٸرلەۋ» تاقىرىبىندا تاياۋ شىعىس پەن سولتٷستٸك افريكا جٶنٸندەگٸ دٷنيەجٷزٸلٸك ەكونوميكالىق فورۋمنىڭ (دەف) 10-شى ٶڭٸرلٸك وتىرىسى ٶتتٸ. فورۋمنىڭ جۇمىسىنا سىرتقى ٸستەر مينيسترٸ بەيبٸت اتامقۇلوۆ باستاعان قازاقستاندىق دەلەگاتسييا قاتىستى.
ٸس-شارا باعدارلاماسى اراب ەلەمٸندەگٸ تٶرتٸنشٸ ٶنەركەسٸپتٸك رەۆوليۋتسييا, ەكونوميكانىڭ جاڭا ٷلگٸسٸن قالىپتاستىرۋ, ٶڭٸردٸڭ الدىندا تۇرعان ورتاق سىن-قاتەرلەردٸ شەشۋ ٷشٸن نۇسقاۋلىق, كٶپتۇجىرىمدامالىق ەلەمدە ورتاق تٷيٸسۋ نٷكتەلەرٸن ٸزدەستٸرۋ جەنە سالالىق ديالوگتاردىڭ بولاشاعى سيياقتى مەسەلەلەردٸ قامتىدى.
فورۋم يوردانييا كورولٸ II ابداللانىڭ قولداۋى جەنە قاتىسۋىمەن ۇيىمداستىرىلدى. ٸس-شارا مىڭداعان مەملەكەتتٸك, ٸسكەرلٸك جەنە قوعامدىق كٶشباسشىلاردى ٶڭٸردەگٸ جەنە بٷكٸل ەلەمدەگٸ تەرەڭ ەكونوميكالىق, ەلەۋمەتتٸك جەنە گەوساياسي ٶزگەرٸستەردٸڭ كەزەڭٸندە ديالوگ پەن ورتاق ٸس-قيمىلدار ٷشٸن جاڭا جولداردى قالىپتاستىرۋ ماقساتىندا جينادى. دەف مەملەكەتتٸك-جەكەمەنشٸك ەرٸپتەستٸك جٶنٸندەگٸ حالىقارالىق ۇيىم بولا تۇرا, ەلەمنٸڭ ٸرٸ كومپانييالارىنىڭ, ٷكٸمەتتەردٸڭ جەنە ازاماتتىق قوعامنىڭ ٶكٸلدەرٸن مەملەكەتتٸك جەنە جەكەمەنشٸك سەكتورلاردىڭ اراسىنداعى ىنتىماقتاستىقتى ٶڭٸردٸڭ بولعاشاعىنا قاتىستى ماڭىزدى مەسەلەلەر بويىنشا دامىتۋ ٷشٸن بٸرٸكتٸردٸ.
فورۋمنىڭ اياسىندا قازاقستان سىرتقى ساياسات ۆەدومستۆوسىنىڭ باسشىسى شەت مەملەكەتتەردٸڭ جەنە حالىقارالىق بيزنەستٸڭ ٶكٸلدەرمەن بٸرقاتار كەزدەسۋلەر ٶتكٸزٸپ, ىنتىماقتاستىقتىڭ ٶزەكتٸ مەسەلەلەرٸن تالقىلادى.
دەف نەگٸزٸن قالاۋشىسى جەنە اتقارۋشى تٶراعاسى كلاۋس شۆابپەن ەلٸمٸزدٸڭ وسى جاھاندىق ساراپتاۋ ۇيىمىمەن ون بەس جىلدىق ەرٸپتەستٸگٸنٸڭ قورىتىندىلارىن تالقىلاندى. دەف-تٸڭ تالقىلاۋ الاڭدارىندا تۋىنداعان يدەيالار حالىقارالىق سيپاتتاعى ماڭىزدى شەشٸمدەردٸڭ نەگٸزٸنە جيٸ اينالاتىنىن اتاپ ٶتۋ قاجەت. كەزدەسۋ بارىسىندا قازاقستان مەن دەف اراسىنداعى ٶزارا ىقپالداستىقتى كەڭەيتۋ جوسپارىنا باسا نازار اۋدارىلدى.
مينيستر ب.اتامقۇلوۆ پەن ەۋروپالىق قايتا قۇرۋ جەنە دامۋ بانكٸنٸڭ (ەقدب) پرەزيدەنتٸ سۋما چاكرابارتي اراسىندا ٶتكەن كەزدەسۋ بارىسىندا تاراپتار بانكتٸڭ قاتىسۋىمەن الدا قازاقستاندا ٶتەتٸن ٸرٸ ٸس-شارالار بويىنشا, ونىڭ ٸشٸندە قر پرەزيدەنتٸ جانىنداعى شەتەلدٸك ينۆەستورلار كەڭەسٸنٸڭ (شيك) وتىرىسى مەن استانالىق ەكونوميكالىق فورۋم بويىنشا ساعاتتارىن سالىستىرىپ تەكسەردٸ.
قازاقستانمەن ٶزارا ٸس-قيمىلدى تالداي وتىرىپ, تاراپتار ەقدب تابىستى ىنتىماقتاستىقتىڭ ٷلگٸسٸ بولىپ تابىلادى دەگەن ورتاق ويعا كەلدٸ. قازٸرگٸ تاڭدا قازاقستان ەكنوميكاسىنىڭ ەر تٷرلٸ سالالارىندا بانكتٸڭ قاتىسۋىمەن ٸسكە اسىرىلىپ جاتقان جالپى كٶلەمٸ 8 ملرد. دولل. استام سومانى قۇرايتىن شامامەن 250 جوبا ٸسكە اسىرىلۋدا.
يوردانييا كورولٸ II ابداللانىڭ قابىلداۋىندا قر سىرتقى ساياسات ۆەدومستۆوسىنىڭ باسشىسى قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ ساياساتىنا سەيكەس ەلدٸڭ سىرتقى ساياسي باعىتىنىڭ ساباقتاستىعىن جەنە ٶزگەرمەيتٸندٸگٸن ەرەكشە اتاي وتىرىپ, قازاقستاننىڭ ٸشكٸ ساياسي ٶمٸرٸندە بولعان ماڭىزدى ٶزگەرٸستەر تۋرالى ايتىپ بەردٸ.
كەزدەسۋ بارىسىندا ەلباسى مەن كورول ابداللانىڭ اراسىندا قالىپتاسقان جىلى قارىم-قاتىناستار ەر تٷرلٸ سالالارداعى ىنتىماقتاستىقتى كەڭەيتۋگە سەبەپ بولعانى ەرەكشە اتالدى. عارىش سالاسى مەن كيبەر قاۋٸپسٸزدٸك سيياقتى ەكٸ ەل ٷشٸن جاڭا سالالاردا ەكٸجاقتى ديالوگتى ودان ەرٸ كەڭەيتۋ تۋرالى ۋاعدالاستىققا قول جەتكٸزدٸ.
قازاقستاندىق باستامالارعا, اتاپ ايتقاندا دٸنارالىق ديالوگ پەن ەتنوكونفەسسييالىق تولەرانتتىلىق بويىنشا باستامالارعا, سونداي-اق كورولدٸڭ ەلەمدٸك جەنە دەستٷرلٸ دٸندەر كٶشباسشىلارىنىڭ سەزدەرٸ جۇمىسىنا بەلسەندٸ قاتىسقانى ٷشٸن يوردان تاراپىنا العىس بٸلٸدٸرٸلدٸ.
يوردانييالىق مونارح يوردانييا بايقاۋشى رەتٸندە قاتىساتىن, وسى ەلدەگٸ زورلىق-زومبىلىق دەڭگەيٸن ەدەۋٸر تٶمەندەتٸپ, بەيبٸتشٸلٸك ٷدەرٸسٸن قۇرۋدىڭ العىشارتتارىن جاساعان سيرييا جٶنٸندەگٸ استانالىق كەلٸسسٶزدەردٸ ٶتكٸزۋ بويىنشا باستامانى قولداعانى ٷشٸن ەلباسىعا العىس بٸلدٸردٸ.
سونىمەن قاتار, فورۋمنىڭ اياسىندا ارمەنييا پرەزيدەنتٸ ارمەن ساركيسيانمەن, لاتۆييا سىرتقى ٸستەر مينيسترٸ ەدگارس رينكەۆيچسپەن, يوردانييا سىرتقى ٸستەر مينيسترٸ ايمان ەل-سافاديمەن كەزدەسۋلەر ٶتكٸزٸلدٸ. وندا قازاقستان مەن وسى ەلدەر اراسىنداعى ىنتىماقتاستىقتىڭ اعىمداعى جاعدايى مەن ونى كەڭەيتۋ مەسەلەلەرٸ تالقىلاندى.
بۇدان باسقا, فورۋمنىڭ اياسىندا ريتەيل, قارجى, اگروٶنەركەسٸپتٸك كەشەن, IT, تاۋ-كەن جەنە مەتاللۋرگييا سەكتورى, لوگيستيكا جەنە جاڭارتىلاتىن ەنەرگييا كٶزدەرٸ سيياقتى سالالاردا جۇمىس ٸستەيتٸن تاياۋ شىعىس ٶڭٸرٸندەگٸ (يوردانييا, ساۋد ارابيياسى, بٸرٸككەن اراب ەمٸرلٸكتەرٸ جەنە كۋۆەيت) ٸرٸ حالىقارالىق كومپانييالاردىڭ ٶكٸلدەرٸمەن كەزدەسۋلەر ٶتكٸزٸلدٸ. كەزدەسۋلەردٸڭ قورىتىندىسى بويىنشا كومپانييالار بٸرلەسكەن جوبالاردى جٷزەگە اسىرۋعا قىزىعۋشىلىق تانىتتى جەنە ناقتى جوسپارلاردى تالقىلاۋ ٷشٸن جاقىن ارادا قازاقستانعا كەلۋدٸ جوسپارلاپ وتىر.
