Qazaqstan IIM Interpolynyń Ulttyq ortalyq biýrosy Qyrǵyzstannyń quqyq qorǵaý organdarymen birlesip, Bishkekte Túrkiia azamatyn ustady, - dep habarlaidy Tengrinews.kz tilshisi Polisia.kz saityna silteme jasap.
40 jastaǵy er adam respýblikanyń memlekettik shekarasy arqyly 488 million teńgeden astam somanyń baǵaly metaldaryn ekonomikalyq kontrabanda jolymen ótkizgeni úshin izdeýde bolǵany aityldy.
"Túrkiia men Qazaqstan azamattarynan quralǵan qylmystyq top Ystambýlǵa altyndy asa iri kólemde deklaratsiiasyz ótkizý úshin "Nur-Sultan" halyqaralyq áýejaiynyń "zararsyz aimaǵynan" úshinshi tulǵany ótkizýdi uiymdastyrǵan", - dedi tártip saqshylary.
Qazirgi ýaqytta sottalýshy qamaýǵa alynǵan, ony Qazaqstanǵa ekstraditsiialaý máselesi sheshilip jatyr.
