قازاقستان ٸٸم ينتەرپولىنىڭ ۇلتتىق ورتالىق بيۋروسى قىرعىزستاننىڭ قۇقىق قورعاۋ ورگاندارىمەن بٸرلەسٸپ, بٸشكەكتە تٷركييا ازاماتىن ۇستادى, - دەپ حابارلايدى Tengrinews.kz تٸلشٸسٸ Polisia.kz سايتىنا سٸلتەمە جاساپ.
40 جاستاعى ەر ادام رەسپۋبليكانىڭ مەملەكەتتٸك شەكاراسى ارقىلى 488 ميلليون تەڭگەدەن استام سومانىڭ باعالى مەتالدارىن ەكونوميكالىق كونتراباندا جولىمەن ٶتكٸزگەنٸ ٷشٸن ٸزدەۋدە بولعانى ايتىلدى.
"تٷركييا مەن قازاقستان ازاماتتارىنان قۇرالعان قىلمىستىق توپ ىستامبۋلعا التىندى اسا ٸرٸ كٶلەمدە دەكلاراتسيياسىز ٶتكٸزۋ ٷشٸن "نۇر-سۇلتان" حالىقارالىق ەۋەجايىنىڭ "زارارسىز ايماعىنان" ٷشٸنشٸ تۇلعانى ٶتكٸزۋدٸ ۇيىمداستىرعان", - دەدٸ تەرتٸپ ساقشىلارى.
قازٸرگٸ ۋاقىتتا سوتتالۋشى قاماۋعا الىنعان, ونى قازاقستانعا ەكستراديتسييالاۋ مەسەلەسٸ شەشٸلٸپ جاتىر.
