2021 jyldyń qańtarynda mobildi internet jyldamdyǵy boiynsha álem elderi reitinginde BAÁ birinshi orynda tur. Al Qazaqstan 103-orynǵa jaiǵasty, dep habarlady Ranking.kz.
Birikken Arab Ámirlikterindegi internettiń jyldamdyǵy sekýndyna 183,03 megabitti kórsetti. Sondai-aq, TOP-5 el qataryna Ońtústik Koreia, Katar, Qytai jáne Saýd Arabiiasy kirdi.
Qazaqstan bul tizimde 103-shi orynda tur. Elimiz pozitsiiasyn 3 qatarǵa jaqsartty. Qazaqstan ósim reitingi boiynsha TOP-25 memlekettiń qataryna endi. Qazaqstanda mobildi internettiń jyldamdyǵy bir jylda 6,6%-ke, sekýndyna 20,15 megabitke deiin ósti. Qazir Qazaqstan men Qyrǵyzstan Orta Aziia elderi arasynda internet jyldamdyǵy boiynsha kóshbasshy bolyp tur.
Qazaqstanda internetke qoljetimdi uialy bailanys abonentteriniń sany 16 millionǵa jetti. Bul bir jyl burynǵy kórsetkishpen salystyrǵanda 6,8%-ke kóp.
Respýblikada mobildi bailanys 2011 jyldan bastap damyp keledi. Ol kezde 3G qosyldy. 2014 jyly bailanys operatorlary 4G/LTE standartynda qyzmet kórsete bastady. 2019 jyly Qazaqstanda Nur-Sultan, Almaty jáne Shymkent qalalarynda 5G bailanys jelilerin testileý boiynsha pilottyq joba iske asyryldy. Testileý oń nátije kórsetti, sarapshylar Qazaqstannyń 5G tehnologiiasyn engizýge daiyn ekenin aitty.
