2021 جىلدىڭ قاڭتارىندا موبيلدٸ ينتەرنەت جىلدامدىعى بويىنشا ەلەم ەلدەرٸ رەيتينگٸندە باە بٸرٸنشٸ ورىندا تۇر. ال قازاقستان 103-ورىنعا جايعاستى, دەپ حابارلادى Ranking.kz.
بٸرٸككەن اراب ەمٸرلٸكتەرٸندەگٸ ينتەرنەتتٸڭ جىلدامدىعى سەكۋندىنا 183,03 مەگابيتتٸ كٶرسەتتٸ. سونداي-اق, توپ-5 ەل قاتارىنا وڭتٷستٸك كورەيا, كاتار, قىتاي جەنە ساۋد ارابيياسى كٸردٸ.
قازاقستان بۇل تٸزٸمدە 103-شٸ ورىندا تۇر. ەلٸمٸز پوزيتسيياسىن 3 قاتارعا جاقسارتتى. قازاقستان ٶسٸم رەيتينگٸ بويىنشا توپ-25 مەملەكەتتٸڭ قاتارىنا ەندٸ. قازاقستاندا موبيلدٸ ينتەرنەتتٸڭ جىلدامدىعى بٸر جىلدا 6,6%-كە, سەكۋندىنا 20,15 مەگابيتكە دەيٸن ٶستٸ. قازٸر قازاقستان مەن قىرعىزستان ورتا ازييا ەلدەرٸ اراسىندا ينتەرنەت جىلدامدىعى بويىنشا كٶشباسشى بولىپ تۇر.
قازاقستاندا ينتەرنەتكە قولجەتٸمدٸ ۇيالى بايلانىس ابونەنتتەرٸنٸڭ سانى 16 ميلليونعا جەتتٸ. بۇل بٸر جىل بۇرىنعى كٶرسەتكٸشپەن سالىستىرعاندا 6,8%-كە كٶپ.
رەسپۋبليكادا موبيلدٸ بايلانىس 2011 جىلدان باستاپ دامىپ كەلەدٸ. ول كەزدە 3G قوسىلدى. 2014 جىلى بايلانىس وپەراتورلارى 4G/LTE ستاندارتىندا قىزمەت كٶرسەتە باستادى. 2019 جىلى قازاقستاندا نۇر-سۇلتان, الماتى جەنە شىمكەنت قالالارىندا 5G بايلانىس جەلٸلەرٸن تەستٸلەۋ بويىنشا پيلوتتىق جوبا ٸسكە اسىرىلدى. تەستٸلەۋ وڭ نەتيجە كٶرسەتتٸ, ساراپشىلار قازاقستاننىڭ 5G تەحنولوگيياسىن ەنگٸزۋگە دايىن ەكەنٸن ايتتى.
