2019 jylǵy 11 aida eksporttalatyn taýarlarǵa baǵa 2,4 paiyzǵa tómendep, importtalatyn taýarlarǵa 6,1 paiyzǵa joǵarylady. Bul týraly QR UEM Statistika komitetinen málim etti, – dep habarlaidy QazAqparat.
Vedomstvo málimetinshe, ótken jyldyń qańtar-qarashasynda eksporttyq jetkizilimder baǵasy ferroqorytpalarǵa – 26,8, myrysh kenderine – 15,7, hrom kenderine – 15,1, myryshqa – 4,2, mysqa – 2,6, munaiǵa 0,8 paiyz tómendedi. Al temir kenderine – 18,3, kómirge – 17,1, qorǵasynǵa – 16,9, qara metaldardan jasalǵan buiymdarǵa – 7,8, qara metall ilegine 3,2 paiyz joǵarylady. Baǵanyń maqtaǵa 7,1 tómendeýi, olardyń bidaiǵa – 26,4, arpaǵa – 4,2, júnge 1,7 kóterilýi tirkeldi.
Importtalatyn ónimderden kókónister – 37,4, kúrish – 10,8, konditerlik ónimder – 15,4, sút ónimderi – 8,3, makaron ónimderi – 7,7, kofe – 6,6, qus eti – 5,2, balyq 5,1 paiyz qymbattady. Qant – 7,7, jemister men jańǵaqtar 3,9 paiyz arzandady. Baǵa aiaq kiimge – 11,2, farmatsevtikalyq ónimderge – 10, qurylys materialdaryna – 7,8, qaǵaz 7,7 paiyzǵa joǵarylady.
