2019 جىلعى 11 ايدا ەكسپورتتالاتىن تاۋارلارعا باعا 2,4 پايىزعا تٶمەندەپ, يمپورتتالاتىن تاۋارلارعا 6,1 پايىزعا جوعارىلادى. بۇل تۋرالى قر ۇەم ستاتيستيكا كوميتەتٸنەن مەلٸم ەتتٸ, – دەپ حابارلايدى قازاقپارات.
ۆەدومستۆو مەلٸمەتٸنشە, ٶتكەن جىلدىڭ قاڭتار-قاراشاسىندا ەكسپورتتىق جەتكٸزٸلٸمدەر باعاسى فەرروقورىتپالارعا – 26,8, مىرىش كەندەرٸنە – 15,7, حروم كەندەرٸنە – 15,1, مىرىشقا – 4,2, مىسقا – 2,6, مۇنايعا 0,8 پايىز تٶمەندەدٸ. ال تەمٸر كەندەرٸنە – 18,3, كٶمٸرگە – 17,1, قورعاسىنعا – 16,9, قارا مەتالداردان جاسالعان بۇيىمدارعا – 7,8, قارا مەتالل يلەگٸنە 3,2 پايىز جوعارىلادى. باعانىڭ ماقتاعا 7,1 تٶمەندەۋٸ, ولاردىڭ بيدايعا – 26,4, ارپاعا – 4,2, جٷنگە 1,7 كٶتەرٸلۋٸ تٸركەلدٸ.
يمپورتتالاتىن ٶنٸمدەردەن كٶكٶنٸستەر – 37,4, كٷرٸش – 10,8, كونديتەرلٸك ٶنٸمدەر – 15,4, سٷت ٶنٸمدەرٸ – 8,3, ماكارون ٶنٸمدەرٸ – 7,7, كوفە – 6,6, قۇس ەتٸ – 5,2, بالىق 5,1 پايىز قىمباتتادى. قانت – 7,7, جەمٸستەر مەن جاڭعاقتار 3,9 پايىز ارزاندادى. باعا اياق كيٸمگە – 11,2, فارماتسەۆتيكالىق ٶنٸمدەرگە – 10, قۇرىلىس ماتەريالدارىنا – 7,8, قاعاز 7,7 پايىزعا جوعارىلادى.
