Erǵazy Nurǵaliev "Qazaqstan Ǵarysh Sapary" UK" AQ-tyń prezidenti bolyp taǵaiyndaldy, - dep habarlaidy "Ult aqparat" Qazaqstan Respýblikasynyń Qorǵanys jáne aeroǵarysh ónerkásibi ministrligine silteme jasap.
"Qazaqstan Respýblikasy Úkimetiniń kelisimi boiynsha "Qazaqstan Ǵarysh Sapary" UK" ulttyq kompaniiasy" aktsionerlik qoǵamynyń prezidenti bolyp Erǵazy Nurǵaliev sailandy", - delingen habarlamada.
Erǵazy Nurǵaliev 1954 jyly 4 maýsym kúni Shyǵys Qazaqstan oblysynda dúniege keldi. 1977 jyly "Sáýlet" mamandyǵy boiynsha Óskemen qurylys-jol institýtyn, 2001 jyly "Quqyqtaný" mamandyǵy boiynsha Máskeý halyqaralyq ekologiialyq-saiasattaný ýniversitetin támámdady. 1977 jyly qurylys áskeri leitenanty ataǵymen jedel qyzmetti óteý úshin «Baiqońyr» ǵarysh ailaǵyna jiberildi. 1977-1979 jyldar aralyǵynda KSRO QM 130 qurylys bas basqarmasynyń bólimshelerinde áskeri boryshyn ótedi. "Baiqońyr" ǵarysh ailaǵynda "Proton", "Energiia-Boran" tasymaldaǵysh zymyrandarynyń starttyq jáne tehnikalyq keshenderiniń qurylystarynda jumys istedi.
1979-1989 jyldar aralyǵynda ǵarysh ailaǵynyń kúrdeli jóndeý qurylysy basqarmasynda túrli injenerlik laýazymdardy atqardy. 1989 jyly Halyq depýtattarynyń lenindik qalalyq keńesiniń Atqarýshy komiteti tóraǵasynyń birinshi orynbasary bolyp taǵaiyndaldy.
Leninsk qalasynda alǵash qurylǵan ákimshiliktiń qurylymynda 1992-1995 jyldar aralyǵynda qalanyń bas sáýletshisi, Leninsk qalasynyń Ákimshilik basshysynyń orynbasary, Memlekettik múlik jónindegi qalalyq aýmaqtyq komitettiń tóraǵasy qyzmetterin atqardy.
"Baiqońyr" ǵarysh keshenin jalǵa alý jaǵdailarynda, 1995 jyly E.M. Nurǵaliev Qazaqstan Respýblikasy Prezidentiniń ókimimen "Baiqońyr" ǵarysh keshenindegi Qazaqstan Respýblikasy Prezidentiniń Arnaýly ókili bolyp taǵaiyndaldy, osy laýazymdy 2004 jylǵa deiin atqardy.
2005-2007 jyldar aralyǵynda "Báiterek" Qazaqstan-Resei birlesken kásiporny» aktsionerlik qoǵamy Bas direktorynyń birinshi orynbasary bolyp jumys istedi.2007-2014 jyldar aralyǵynda Qazaqstan Respýblikasy Ulttyq ǵarysh agenttiginiń Jaýapty hatshysy laýazymyn atqardy.
Qazaqstan Respýblikasy Ulttyq ǵarysh agenttiginiń qaita qurylýyna bailanysty, 2014 jyldyń tamyzynan bastap 2016 jyldyń qazanyna deiin Qazaqstan Respýblikasy Investitsiialar jáne damý ministrliginiń Aeroǵarysh komiteti tóraǵasynyń orynbasary laýazymyn, 2016 jyldyń qarashasynan bastap Qazaqstan Respýblikasy Qorǵanys jáne aeroǵarysh ónerkásibi ministrliginiń Aeroǵarysh komitetine osyndai laýazymdy atqardy.
"Baiqońyr" ǵarysh ailaǵynyń ardageri, E. Nurǵalievke ǵarysh keshenin damytýǵa qosqan úlesi úshin 2011 jyly "Baiqońyr qalasynyń qurmetti azamaty", "Baiqońyr" ǵarysh ailaǵynyń eńbek sińirgen qurylysshysy" ataqtary berildi.
.jpeg)