Qazaqstan fýtbol federatsiiasynyń bas hatshysy Azamat Aitqojin Qazaqstan fýtbol federatsiiasynyń prezidenti laýazymyna sailaý qalai ótetinin aityp berdi, dep habarlaidy QazAqparat KazFootball.kz saityna silteme jasap.
QFF kezekti XXI sailaý konferentsiiasy 2022 jylǵy 28 aqpanda Nur-Sultan qalasynda ótedi.
«7 aqpanda QFF músheleri arasynan úmitkerlerdi usynýǵa ótinim berý merzimi aiaqtaldy. Sodan keiin QFF sailaý reglamentine sáikes, kelip túsken barlyq qujattar sailaý komitetiniń qaraýyna berildi. 10 aqpanda sailaý komitetiniń otyrysynda QFF prezidenti laýazymyna sailaýǵa qatysý úshin kandidattar tirkeldi.
QFF Jarǵysynyń talaptaryna sáikes, Prezident sailaýy jasyryn daýys berý arqyly ótedi. QFF-nyń árbir múshesi bir daýysqa ie. Sailaýda jeńiske jetý úshin kandidat kóp daýys (jarty daýys jáne bireýi) jinaýy kerek. Eger kandidattardyń birde-biri daýys berýdiń birinshi týrynda qajetti daýys sanyn ala almasa, ekinshi týr taǵaiyndalady. Daýys berýdiń ekinshi kezeńine birinshi týrda eń kóp daýys jinaǵan eki úmitker qatysady. Ekinshi týrda jeńiske jetý úshin kóbirek daýys jinaý kerek», - dedi Aitqojin.
Konferentsiiaǵa «Qazaqstan Fýtbol Federatsiiasy «Qaýymdastyǵy» ZTB múshelerinen delegattar, sondai-aq QFF Atqarýshy komitetiniń músheleri qatysady. Dástúr boiynsha konferentsiiaǵa halyqaralyq fýtbol qaýymdastyǵynyń baqylaýshylary retinde qatysatyn FIFA men ÝEFA ókilderi de shaqyrylady.
Aita keteiik, keshe Ádilbek Jaqsybekov Qazaqstan fýtbol federatsiiasynyń prezidenti laýazymyn sailaýdaǵy jańa merzimge qatysýdan bas tartty.
Nátijesinde aldaǵy sailaýǵa kelesi úmitkerler tirkeldi:
- Barmenqulov Ádilet Nazarbaiuly – QFF Atqarý komitetiniń múshesi, «Qazaqstan Fýtbol federatsiiasy» qaýymdastyǵy» ZTB prezidentiniń keńesshisi;
- Jarylqasynov Erlan Erkinbekuly – «Qazaqstan áýesqoi fýtbol ligasy» QB tóraǵasy;
- Qaniev Berik Seralyuly – QFF Atqarý komitetiniń múshesi, «Lancaster Group Kazakhstan» AQ direktorlar keńesiniń tóraǵasy;
- Loriia David Grigorevich – «Nur-Sultan qalasynyń Fýtbol federatsiiasy qaýymdastyǵy» ZTB prezidenti;
- Orazbekov Qairat Aitmoldauly – QFF Atqarý komitetiniń múshesi, «Qairat» AFK prezidenti.
