قازاقستان فۋتبول فەدەراتسيياسىنىڭ باس حاتشىسى ازامات ايتقوجين قازاقستان فۋتبول فەدەراتسيياسىنىڭ پرەزيدەنتٸ لاۋازىمىنا سايلاۋ قالاي ٶتەتٸنٸن ايتىپ بەردٸ, دەپ حابارلايدى قازاقپارات KazFootball.kz سايتىنا سٸلتەمە جاساپ.
قفف كەزەكتٸ XXI سايلاۋ كونفەرەنتسيياسى 2022 جىلعى 28 اقپاندا نۇر-سۇلتان قالاسىندا ٶتەدٸ.
«7 اقپاندا قفف مٷشەلەرٸ اراسىنان ٷمٸتكەرلەردٸ ۇسىنۋعا ٶتٸنٸم بەرۋ مەرزٸمٸ اياقتالدى. سودان كەيٸن قفف سايلاۋ رەگلامەنتٸنە سەيكەس, كەلٸپ تٷسكەن بارلىق قۇجاتتار سايلاۋ كوميتەتٸنٸڭ قاراۋىنا بەرٸلدٸ. 10 اقپاندا سايلاۋ كوميتەتٸنٸڭ وتىرىسىندا قفف پرەزيدەنتٸ لاۋازىمىنا سايلاۋعا قاتىسۋ ٷشٸن كانديداتتار تٸركەلدٸ.
قفف جارعىسىنىڭ تالاپتارىنا سەيكەس, پرەزيدەنت سايلاۋى جاسىرىن داۋىس بەرۋ ارقىلى ٶتەدٸ. قفف-نىڭ ەربٸر مٷشەسٸ بٸر داۋىسقا يە. سايلاۋدا جەڭٸسكە جەتۋ ٷشٸن كانديدات كٶپ داۋىس (جارتى داۋىس جەنە بٸرەۋٸ) جيناۋى كەرەك. ەگەر كانديداتتاردىڭ بٸردە-بٸرٸ داۋىس بەرۋدٸڭ بٸرٸنشٸ تۋرىندا قاجەتتٸ داۋىس سانىن الا الماسا, ەكٸنشٸ تۋر تاعايىندالادى. داۋىس بەرۋدٸڭ ەكٸنشٸ كەزەڭٸنە بٸرٸنشٸ تۋردا ەڭ كٶپ داۋىس جيناعان ەكٸ ٷمٸتكەر قاتىسادى. ەكٸنشٸ تۋردا جەڭٸسكە جەتۋ ٷشٸن كٶبٸرەك داۋىس جيناۋ كەرەك», - دەدٸ ايتقوجين.
كونفەرەنتسيياعا «قازاقستان فۋتبول فەدەراتسيياسى «قاۋىمداستىعى» زتب مٷشەلەرٸنەن دەلەگاتتار, سونداي-اق قفف اتقارۋشى كوميتەتٸنٸڭ مٷشەلەرٸ قاتىسادى. دەستٷر بويىنشا كونفەرەنتسيياعا حالىقارالىق فۋتبول قاۋىمداستىعىنىڭ باقىلاۋشىلارى رەتٸندە قاتىساتىن فيفا مەن ۋەفا ٶكٸلدەرٸ دە شاقىرىلادى.
ايتا كەتەيٸك, كەشە ەدٸلبەك جاقسىبەكوۆ قازاقستان فۋتبول فەدەراتسيياسىنىڭ پرەزيدەنتٸ لاۋازىمىن سايلاۋداعى جاڭا مەرزٸمگە قاتىسۋدان باس تارتتى.
نەتيجەسٸندە الداعى سايلاۋعا كەلەسٸ ٷمٸتكەرلەر تٸركەلدٸ:
- بارمەنقۇلوۆ ەدٸلەت نازاربايۇلى – قفف اتقارۋ كوميتەتٸنٸڭ مٷشەسٸ, «قازاقستان فۋتبول فەدەراتسيياسى» قاۋىمداستىعى» زتب پرەزيدەنتٸنٸڭ كەڭەسشٸسٸ;
- جارىلقاسىنوۆ ەرلان ەركٸنبەكۇلى – «قازاقستان ەۋەسقوي فۋتبول ليگاسى» قب تٶراعاسى;
- قانيەۆ بەرٸك سەرالىۇلى – قفف اتقارۋ كوميتەتٸنٸڭ مٷشەسٸ, «Lancaster Group Kazakhstan» اق ديرەكتورلار كەڭەسٸنٸڭ تٶراعاسى;
- لورييا داۆيد گريگورەۆيچ – «نۇر-سۇلتان قالاسىنىڭ فۋتبول فەدەراتسيياسى قاۋىمداستىعى» زتب پرەزيدەنتٸ;
- ورازبەكوۆ قايرات ايتمولداۇلى – قفف اتقارۋ كوميتەتٸنٸڭ مٷشەسٸ, «قايرات» افك پرەزيدەنتٸ.
