Qazaqstan Respýblikasynyń Oman Sultandyǵyndaǵy Elshisi Nájmedin Muhametáliuly Oman Sultany Heisam ben Tariq ál-Saidke senim gramotalaryn tabystady, dep habarlaidy "Ult aqparat" QR SIM baspasóz qyzmetine silteme jasap.
Saltanatty rásim barysynda diplomat Prezident Qasym-Jomart Toqaevtyń ystyq sálemdemesi men izgi tilekterin jetkizip, Qazaqstan tarapynyń yntymaqtastyqty jan-jaqty damytýǵa múddeli ekenin atap ótti. Osy rette, eki el arasyndaǵy ekonomikalyq, investitsiialyq jáne mádeni árekettestikti odan ári keńeitý maqsatynda úkimetaralyq komissiiany qurýdyń mańyzdylyǵy aityldy.
Óz kezeginde, Sultan Heisam ben Tariq Qazaqstandy óz eliniń senimdi ári mańyzdy áriptesi retinde qarastyryp, ekijaqty qarym-qatynasty ári qarai tereńdetýge ázirligin jetkizdi.
