Qazaqstannyń Ýkraina astanasyndaǵy Elshiligi 34 azamatty Polsha shekarasyna alyp shyqty. Olar sol elden Qazaqstanǵa arnaiy reispen qaitady, dep habarlaidy QazAqparat QR Syrtqy ister ministrliginiń baspasóz qyzmetine silteme jasap.
Eske salsaq, búgin tańerteń Ýkrainadaǵy Qazaqstan azamattaryn ákelýge 179 oryndyq ushaq Polshaǵa attanǵan bolatyn.
QR SIM baspasóz qyzmetiniń basshysy Erlan Jetibaevtyń habarlaýynsha, túske deiin Ýkraina-Polsha shekarasynan 241 adam ótken.
Olardyń alǵashqy legi búgin túnde Almatyǵa jetkiziledi.
Qazaqstan azamattarynyń keibiri Ýkrainanyń aýmaǵynan Polsha shekarasyna deiin qalai jetkenderin aitty.
Jalpy búgin Ýkrainadaǵy qazaqstandyqtardy Polsha arqyly elge aldyrý úshin 3 reis uiymdastyrylady.
Olar:
1) 28 aqpan Polsha ýaqytymen: Atyraý (08:45) – Katovitse (09:00/10:30) – Atyraý (19:20); Al Nur-Sultan ýaqytymen: Atyraý (09:45) – Katovitse (14:00/15:30) – Atyraý (20:20).
2) 28 aqpan Polsha ýaqytymen: Atyraý (14:00) – Katovitse (14:20/16:00) – Atyraý (00:20+1), jergilikti ýaqyt. Al Nur-Sultan ýaqytymen: Atyraý (15:00) – Katovitse (19:00/20:30) – Atyraý (21:20), ýaqyty Nur-Sultan qalasy.
Úshinshi reistiń kestesin Azamattyq aviatsiia komiteti qosymsha habarlaýǵa tiis.
