قازاقستاننىڭ ۋكراينا استاناسىنداعى ەلشٸلٸگٸ 34 ازاماتتى پولشا شەكاراسىنا الىپ شىقتى. ولار سول ەلدەن قازاقستانعا ارنايى رەيسپەن قايتادى, دەپ حابارلايدى قازاقپارات قر سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ەسكە سالساق, بٷگٸن تاڭەرتەڭ ۋكرايناداعى قازاقستان ازاماتتارىن ەكەلۋگە 179 ورىندىق ۇشاق پولشاعا اتتانعان بولاتىن.
قر سٸم باسپاسٶز قىزمەتٸنٸڭ باسشىسى ەرلان جەتٸباەۆتىڭ حابارلاۋىنشا, تٷسكە دەيٸن ۋكراينا-پولشا شەكاراسىنان 241 ادام ٶتكەن.
ولاردىڭ العاشقى لەگٸ بٷگٸن تٷندە الماتىعا جەتكٸزٸلەدٸ.
قازاقستان ازاماتتارىنىڭ كەيبٸرٸ ۋكراينانىڭ اۋماعىنان پولشا شەكاراسىنا دەيٸن قالاي جەتكەندەرٸن ايتتى.
جالپى بٷگٸن ۋكرايناداعى قازاقستاندىقتاردى پولشا ارقىلى ەلگە الدىرۋ ٷشٸن 3 رەيس ۇيىمداستىرىلادى.
ولار:
1) 28 اقپان پولشا ۋاقىتىمەن: اتىراۋ (08:45) – كاتوۆيتسە (09:00/10:30) – اتىراۋ (19:20); ال نۇر-سۇلتان ۋاقىتىمەن: اتىراۋ (09:45) – كاتوۆيتسە (14:00/15:30) – اتىراۋ (20:20).
2) 28 اقپان پولشا ۋاقىتىمەن: اتىراۋ (14:00) – كاتوۆيتسە (14:20/16:00) – اتىراۋ (00:20+1), جەرگٸلٸكتٸ ۋاقىت. ال نۇر-سۇلتان ۋاقىتىمەن: اتىراۋ (15:00) – كاتوۆيتسە (19:00/20:30) – اتىراۋ (21:20), ۋاقىتى نۇر-سۇلتان قالاسى.
ٷشٸنشٸ رەيستٸڭ كەستەسٸن ازاماتتىق اۆياتسييا كوميتەتٸ قوسىمشا حابارلاۋعا تيٸس.
