«Atameken» ulttyq kásipkerler palatasy Qazaqstannyń eńbek naryǵyna saraptama júrgizdi. Onyń qorytyndysynda qai salada jumys isteitin áielderdiń úlesi basym ekendigi anyqtaldy, dep habarlaidy QazAqparat.
Palata málimetterine sáikes, Qazaqstan halqynyń 51 paiyzyn áielder quraidy. Biraq, ekonomikaǵy belsendi halyq qurylymynda erlerdi úlesi basym – 52 paiyz.
«Áielderdiń basym bóligi jumys isteitin salalar – bul saýda-sattyq, bilim berý, turǵyn-jai men tamaqtaný qyzmetterin usyný, qarjy jáne saqtadyrý qyzmeti, densaýlyq saqtaý, áleýmet qyzmet kórsetý, óner jáne kóńil kóterý, jyljymaityn múlikpen operatsiialar, túrli qyzmet túrleri», - dedi «Atameken» UKP basqarmasy tóraǵasynyń orynbasary Oljas Ordabaev qyzdar men áielderdiń áleýetin talqylaýǵa arnalǵan forýmda.
Onyń atap ótýinshe, joǵary oqý ornyn bitirgen qyzdar jumysta tez ornalasady. Qyzdar jumys isteýge 3 aidan az ýaqytta jumsasa, jigitter 3 aidan da kóp ýaqyt jumysqa ornalasa almaidy. Paiyzǵa shaqqanda JOO bitirgen qyzdardyń 77,9 paiyzy, jigitterdiń 76 paiyzy jumysqa ornalasady.
