«Elektr energetikasyn damytý jáne energiia únemdeý institýty» AQ ókilderi Germaniianyń «Dena» energetikalyq agenttigimen 2030 jylǵa deiin Qazaqstan ekonomikasynyń túrli sektorlarynyń energiia tiimdiligin arttyrý boiynsha jospardy ázirleýge qatysty onlain kezdesý ótkizdi, dep habarlaidy "Ult aqparat".
«Eki el arasyndaǵy ózara is-qimyldy odan ári jandandyrý maqsatynda Germaniianyń Federaldyq ekonomika jáne energetika ministrliginiń tapsyrmasymen «Dena» energetikalyq agenttigi ózara kooperatsiiany damytý baǵytynda jumys tobyn qurýdy qolǵa aldy. Ondaǵy maqsat - energetika salasyndaǵy birlesken yntymaqtastyqtyń strategiialyq baǵytyn aiqyndaý», - delingen QR Indýstriia jáne infraqurylymdyq damý ministrliginiń Telegram paraqshasynda jariialanǵan aqparatta.
Vedomstvo málimetinshe, qazir uzaq merzimdi jospardy ázirleý boiynsha belsendi jumys bastaldy. Jospar el ekonomikasynyń ár sektory boiynsha jeke energiia tiimdiliginiń áleýetin aiqyndap, energetika, ónerkásip, biýdjet sektory men ǵimarattar, kólik sektorlarynyń qazirgi jai-kúiin eskerip, naqty qol jetkiziletin kórsetkishtermen ázirlenedi.
