Qazaqstan ekonomikalyq erkindik deńgeii boiynsha elder reitinginde 180 memlekettiń ishinen 40-orynda tur.
Qazaqstannyń indeksi 69,6-ny qurady. Qazaqstan ekonomikasy ortasha erkin elderge jatqyzyldy, dep habarlaidy Finprom.kz saity.
Ekonomikalyq erkindik deńgeii boiynsha álem elderiniń reitinginde Qazaqstan 2020 jyly 180 memlekettiń ishinde 40-orynǵa ie boldy. Reiting derekterine sáikes, mundai indekske ekonomikalyq erkindiktiń qalypty deńgeii berilgen.
EAEO memleketteri arasynda Armeniiada úzdik kórsetkish (70,6 indeksi – negizinen erkin deńgei); eń tómen nátije — Reseide (61 indeksi): bul memleket ekonomikalyq erkindiktiń qalypty deńgeiimen álemde 94-orynǵa ie boldy.
Ekonomikalyq erkindik boiynsha úzdik 3 eldiń qataryna Singapýr, Gonkong jáne Jańa Zelandiia kirdi.
«Mura qory» zertteý ortalyǵy azamattardyń ekonomikalyq erkindik deńgeii boiynsha elderdiń reitingin jyl saiyn jariialaidy.
Sarapshylar ekonomikalyq erkindikti azamattardyń qaýipsizdigi men bostandyqtaryn qoldaý sharalaryn eseptemegende memlekettiń óndiris, qyzmet kórsetý, taýarlardy tutyný men úlestirý isine aralaspaýy nemese kedergi keltirmeýi dep túsinedi.
Elderdiń reitingisi 1995 jyldan bastap jariialanady. Erkindik dárejesi biznes, saýda, qarjy sektory, investitsiialar, eńbek erkindigi, monetarlyq jáne fiskaldyq erkindik, menshik quqyǵynyń kepildikteri, biýrokratiialyq apparattyń mólsheri jáne sybailas jemqorlyqtan qorǵaý dárejesi siiaqty kórsetkishter negizinde esepteledi.
Elge beriletin maksimaldy indeks 100 bolsa, bul absoliýtti erkindikti bildiredi; minimaldy, sáikesinshe, 0 — ekonomikalyq erkindik joq elder úshin. Reitingtegi barlyq elder 5 sanatqa bólinedi: «erkin», «negizinen erkin», «ortasha erkin», «negizinen erkin emes» jáne «erkin emes». 2020 jyly eń joǵarǵy indeks Singapýrǵa (89,4), eń tómengi indeks Soltústik Koreiaǵa (4,2) berildi.
Indeksi 80-nen 100-ge deiingi elderge «erkin» ekonomikalyq deńgei beriledi (6 el); indeksi 70-ten 79,9-ǵa deiingi elderge – «negizinen erkin» (31 el); 60-tan 69,9-ǵa deiin – «ortasha erkin» (62 el), 50-den 59,9-ǵa deiin – «negizinen erkin emes» (62 el); 49,9-dan jáne odan tómen elderge – «erkin emes» (19 el).
Reiting derekteri boiynsha jan basyna shaqqandaǵy eń joǵary ortasha JIÓ — ekonomikasy erkin elderde 66,8 myń AQSh dollary. Bul negizinen erkin ekonomikasy bar elderge qaraǵanda 37,5%-ǵa artyq jáne ortasha erkin deńgeii bar elderge qaraǵanda birden úsh ese artyq. Halyqtyń jan basyna shaqqandaǵy ortasha JIÓ-niń eń tómen ekonomikasy erkin emes elderde 7,6 myń AQSh dollary — ekonomikalyq erkindikteriniń eń jaqsy sanatyndaǵy elderge qaraǵanda 8,8 ese az.
Esterińizge sala keteiik, jaqynda áleýmettik utqyrlyqtyń jahandyq indeksi (Global Social Mobility Index) jariialandy, onda Qazaqstan Resei men Qytai siiaqty elderdi basyp ozyp, 38-oryndy ielengen bolatyn.
