«Nur Otan» partiiasy Tóraǵasynyń birinshi orynbasary Baýyrjan Baibek beinekonferentsiia rejiminde ShYU+ halyqaralyq partiiaaralyq forýmynda sóz sóiledi, dep habarlaidy "Ult aqparat".
Shanhai yntymaqtastyq uiymyna múshe memleketterden basqa TMD men BRIKS elderi partiialarynyń ókilderi qatysty. Onyń kún tártibinde bileýshi partiialardyń pandemiiaǵa, koronadaǵdarystyń áleýmettik-ekonomikalyq saldarlaryna qarsy jáne óńirde kiberqaýipsizdikti qamtamasyz etý boiynsha is-qimylyn úilestirý máseleleri qaraldy.
Baýyrjan Baibek óz sózinde búginde álem koronavirýs pandemiiasynan týyndaǵan jahandyq daǵdarysqa tap bolǵanyn atap ótti. Álemdik ekonomikanyń ósýi baiaýlap, saýda qatynastary úzilip, geosaiasi shielenis artýda. Osyǵan bailanysty seriktes elderdiń bileýshi partiialary arasyndaǵy ózara is-qimyl erekshe mańyzdy bolyp otyr.
«Qazaqstan Respýblikasynyń Tuńǵysh Prezidenti, «Nur Otan» partiiasynyń Lideri Nursultan Ábishuly Nazarbaev qurylýyna bastamashylardyń biri bolǵan Shanhai yntymaqtastyq uiymynyń Eýraziia qurlyǵynyń basym bóliginde naryqty damytý men qaýipsizdikti qamtamasyz etýde áleýeti zor. Júieli reformalarmen birge integratsiialyq jobalarǵa qatysý, seriktes eldermen saýda-ekonomikalyq bailanystardy tereńdetý Qazaqstan ekonomikasynyń damýyna qolaily áser etti», - dedi ol.
«Nur Otan» partiiasy Tóraǵasynyń Birinshi orynbasary Qazaqstannyń ekonomikadaǵy jetistiktermen qatar saiasi reformalardy da júieli júrgizip kele jatqanyn atap ótti.
«Búginde Qazaqstan Respýblikasynyń Prezidenti Qasym-Jomart Kemeluly Toqaevtyń bastamasymen saiasi partiialardy tirkeý tártibi aitarlyqtai jeńildetildi, parlamenttik oppozitsiia uǵymy zańnamamen engizildi, partiialardyń sailaýaldy tizimderinde áielder men jastar úshin mindetti kvotalar belgilendi. Nursultan Ábishuly Nazarbaevtyń 5 institýtsionaldyq reformasyn júzege asyrý aiasynda elimizdegi sailaý júiesi tolyǵymen proportsionaldy qaǵidatqa kóshti. 2021 jyldyń 10 qańtarynda ótetin Májilis pen barlyq deńgeidegi jergilikti ókildi organdar sailaýy alǵash ret osy júie boiynsha ótedi. Bir jyl buryn «Nur Otan» óziniń qaita jandandyrý baǵdarlamasyn iske qosyp, onyń negizgi elementi jalpyulttyq deńgeide alǵash ret ótkiziletin praimeriz boldy», - dedi Baýyrjan Baibek.
Onyń aitýynsha, «Nur Otan» partiiasy tek partiialar arasynda ǵana emes, jastar uiymy, zertteý institýttary men mektepteri siiaqty qurylymdyq bólimsheler arasyndaǵy yntymaqtastyqty tereńdete túsýdi belsendi qoldai otyryp, halyqaralyq yntymaqtastyqqa úlken mán beredi.
«Qazirgi jahandyq pandemiiany eskere otyryp, osy forým aiasynda indet týǵyzýy múmkin juqpaly aýrýlardyń taralýyna qarsy tiimdi sheshimder qabyldaý maqsatynda densaýlyq saqtaý salasyndaǵy ózara is-qimyldy kúsheitý siiaqty ózekti máselelerdi talqylaý mańyzdy dep sanaimyn. Ekinshiden, qarapaiym adamdardyń múddelerin qorǵaýǵa basa nazar aýdara otyryp, koronadaǵdarystyń áleýmettik-ekonomikalyq saldarymen kúrestegi partiialarymyzdyń rólin, sondai-aq, tsifrlyq senimniń ortaq keńistigin qalyptastyrýǵa qatysty áreketterdi úndestirý jaiyn da qarastyrǵan jón.
Qazaqstan Prezidenti Qasym-Jomart Kemeluly Toqaev buǵan deiin ShYU-nyń Aqparattyq qaýipsizdik ortalyǵyn qurý ideiasyn jariialaǵan bolatyn. Seriktes elderde internet-tehnologiialardyń róli eselep artqanyn eskersek, munyń óńirdegi kiberqaýipsizdikti qamtamasyz etýdiń pármendi quralyna ainalýǵa ábden múmkindigi bar», - dep túiindedi «Nur Otan» partiiasy Tóraǵasynyń birinshi orynbasary.
«ShYU+» forýmy barysynda «Edinaia Rossiia» partiiasynyń Tóraǵasy Dmitrii Medvedev, ShYU Bas hatshysy Vladimir Norov, Úndistan Respýblikasynyń Bharatiia Janata Parti Tóraǵasy Nadda Djagata Prakasha, Qytai Kommýnistik partiiasy Ortalyq Komitetiniń halyqaralyq bóliminiń meńgerýshisi Sýn Tao jáne basqalary sóz sóiledi.
Eki kúndik forýmnyń sońynda kún tártibi aiasynda partiialardyń odan ári yntymaqtastyǵyn aiqyndaityn qorytyndy qujat qabyldanbaq.
.jpeg)