Qazaqstan EAEO aiasynda «veto» quqyǵyn joiýǵa jol bermeidi. Bul týraly Eýraziialyq úkimetaralyq keńes otyrysynyń qorytyndysyna orai QR Saýda jáne integratsiia vitse-ministri Janel Kýshýkova aitty, dep habarlaidy QazAqparat.
Otyrysta Eýraziialyq ekonomikalyq integratsiiany damytýdyń 2025 jylǵa deiingi strategiialyq baǵyttary jobasyn talqylaý mańyzdy máseleleriniń biri boldy. Buǵan deiin, Joǵary Keńestiń 2020 jylǵy 19 mamyrdaǵy otyrysy barysynda QR Prezidenti Qasym-Jomart Toqaevtyń eskertýlerimen Strategiia jobasy pysyqtaýǵa jiberilgen edi.
«Qazirgi ýaqytta komissiianyń kadr saiasaty jáne EEK-tiń saýda sharalary jónindegi sheshimderine «veto» quqyǵyn qoldaný bóliginde Strategiia jobasyna qazaqstandyq usynystardy talqylaý jalǵasýda. Kelissózderde Komissiiada jumys isteý úshin úmitkerlerdi tek izdenýshilerdiń kásibi daǵdylary negizinde irikteý máselesiniń printsiptiligi atap ótildi. Sondai-aq, «veto» quqyǵyn qoldaný memlekettiń sózsiz egemendi quqyǵy bolyp tabylady. Bul oǵan estýge jáne ekonomikalyq múddelerge sáikes kelmeitin sheshimder qabyldaýǵa jol bermeýge múmkindik týdyrady», - dedi Saýda jáne integratsiia vitse-ministri.
Sonymen qatar atalǵan jiynda EAEO elderi arasynda COVID-19 jaǵdaiynda jolaýshylar qatynasyn qalpyna keltirý máselesi de talqylanǵan.
«Qazirgi ýaqytta álemde COVID-19 koronavirýs indeti óte alańdatarlyq jaǵdai bolyp otyr. Sondyqtan biz úshin bul másele óte sezimtal sanalady. Óitkeni azamattarymyzdyń qaýipsizdigi bárinen joǵary. Osy turǵyda biz EAEO-ǵa múshe memleketterdiń sanitar dárigerlerine EEK-pen birlesip, qajetsiz táýekelge jol bermei, EAEO-ǵa múshe memleketter arasyndaǵy jolaýshylar kóligi qatynasyn jańartý jóninde tásilder ázirleýdi usyndyq», - dedi Janel Kýshýkova.
Atalǵan máseleni qaraý barysynda Úkimet basshylary EADB-nyń bastamasyn qarastyrdy.
«Eýraziialyq damý banki shyǵatyn azamattardyń COVID-19 testileriniń nátijelerin keiinnen EAEO elderimen ózara tani otyryp shoǵyrlandyratyn tsifrlyq platforma qurýdy usyndy. EADB usynyp otyrǵan tásili azamattardyń EAEO ishindegi qozǵalysyn jeńildetýge múmkindik beredi. Jalpy, biz bul bastamany qoldadyq. Endi onyń praktikalyq iske asyrylýyn qamtamasyz etý qajet», - dedi ol.
Sonymen qatar Premer-Ministrler EAEO-da taýarlardyń transshekaralyq elektrondyq saýdasyn retteý máselesin qarady.
«Aǵymdaǵy shyndyqtar álemdik IT-naryq óte jyldam qarqynmen damyp kele jatqanyn kórsetedi. Sonymen qatar, ol biýdjetke túsetin túsimderdi azaitý, taýarlardyń tómen sapasy túrinde táýekelderdi kóteredi. Jańa shynaiylyq jaǵdaiynda biz transshekaralyq elektrondyq saýdany retteýdiń negizgi baǵyttaryn kelistirdik» - dedi vitse-ministr.
QR Saýda jáne integratsiia ministrligi baspasóz qyzmetiniń málimetinshe, Úkimet basshylary sondai-aq eksportty damytýdyń birlesken sharalary men EAEO aiasynda agroónerkásiptik keshendi damytýdyń birlesken boljamdaryn kelisti. Bul ýaǵdalastyqtar otandyq bizneske úshinshi elderdiń naryqtaryna eksport spektri men kólemin keńeitýge, aýyl sharýashylyǵy naryǵyn odan ári damytýdyń kókjiegin belgileýge múmkindik beredi.
Esterińizge sala keteiik, 2020 jyldyń 9 qazanynda Eýraziialyq úkimetaralyq keńestiń kezekti otyrysy ótti.
