2025 jylǵa qarai 5 munai-gaz himiia zaýyty paidalanýǵa beriledi. Bul týraly Ortalyq kommýnikatsiialar qyzmetindegi baspas máslihatynda QR Ulttyq ekonomika ministri Áset Erǵaliev aitty, dep habarlaidy QazAqparat.
Onyń atap ótýinshe, «Qazaqstandyqtardyń ál-aýqatyn arttyrýǵa baǵyttalǵan ornyqty ekonomikalyq ósý» ulttyq jobasynyń «Munai-gaz himiialyq keshenin damytý» baǵyty aiasynda shikizattyq emes eksportty ulǵaitý jáne ishki suranysty qanaǵattandyrý úshin iri joǵary tehnologiialyq munai-gaz himiialyq óndirisi iske qosylady.
«2025 jylǵa qarai 5 munai-gaz himiia zaýyty paidalanýǵa beriledi. Nátijesinde munai-gaz himiialyq ónimin óndirý kólemi 140 myńnan 2 mln tonnaǵa deiin artyp, munai-gaz himiia ónimi importynyń úlesi 87 paiyzdan 72 paiyzǵa azaiady. Bul rette daiyn munai-gaz ónimderiniń eksporty 9 esege, 1,4 mlrd AQSh dollaryna artady», - dedi ministr.
