Qazaqstan ótken jyly 55,2 mlrd tekshe metr gaz óndirdi. Bul týraly Úkimet otyrysynda QR Energetika ministri Nurlan Noǵaev aitty, dep habarlaidy QazAqparat.
2020 jyldyń qorytyndysynda 55,2 mlrd tekshe metr kóleminde gaz óndirildi. Bul esepti kezeńniń josparymen salystyrǵanda 100 paiyzdy qurady. Taýarlyq gazdy ishki tutyný kólemi 17,2 mlrd tekshe metrge jetti. Osy kórsetkish ótken jyldyń 12 aiynyń josparynyń 104,2 paiyzyna teń», - dedi Nurlan Noǵaev.
Onyń aitýynsha, suiytylǵan munai gazyn óndirý kólemi 3,2 mln tonna boldy. Bul ótken jyldyń josparymen salystyrǵanda 100 paiyzdy quraidy.
«Eksportqa shyǵarylǵan gaz kólemi 10,7 mlrd tekshe metrdi qurap, bul 2020 jyldyń josparymen salystyrǵanda 102 paiyz boldy», - dedi ministr.
