Kollaj: egemen.kz
Elimizdiń Ǵylym jáne joǵary bilim ministri Eýropa men AQSh-taǵy siiaqty, elimizde de oqý úshin ruqsat alýdyń kúrdeli júiesin engizýdi josparlap otyr. Bul týraly KTK arnasy habarlaidy.
Vedomstvodaǵylardyń aitýynsha, kóptegen sheteldik stýdentter oqýdy syltaý etip, Qazaqstanǵa tabys tabý maqsatynda keledi. Saiasat Nurbektiń sózinshe, Bangladesh azamattary stýdenttik viza rásimdep, is júzinde jumysqa ornalasqan jaǵdailar bolǵan. Al Aýǵanstan Islam Respýblikasynan kelgender Qazaqstandy Eýropaǵa kópir retinde paidalanǵan.
“Qazir bul jumys endi ǵana bastaldy jáne jan-jaqty pysyqtalyp jatyr. Qazaqstan halyqaralyq tájiribeni eskere otyryp, stýdenttik vizalardy tek oqý maqsatynda berýge umtylyp jatyr. Birqatar elderde tym liberaldy erejeler eńbek kóshi-qonnyń artýyna nemese tranzit retinde paidalanylýyna ákelgen. Mundai tásil sheteldik stýdentterdiń úlesin arttyrýǵa jáne zańsyz kóshi-qon táýekelderin azaitýǵa, ashyqtyq pen jaýapkershilik arasyndaǵy tepe-teńdikti saqtaýǵa múmkindik beredi”, – deidi Ǵylym jáne joǵary bilim ministrliginiń qoǵammen bailanys departamentiniń direktory – baspasóz hatshysy Oljas Berkinbaev.
Eske salaiyq, qazir stýdenttik viza bir jylǵa beriledi. Ministrdiń pikirinshe, mundai jaǵdailar sybailas jemqorlyqqa ákelip soǵady. Endi vizany tek oqý merzimine berýdi josparlap otyr.
