كوللاج: egemen.kz
ەلٸمٸزدٸڭ عىلىم جەنە جوعارى بٸلٸم مينيسترٸ ەۋروپا مەن اقش-تاعى سيياقتى, ەلٸمٸزدە دە وقۋ ٷشٸن رۇقسات الۋدىڭ كٷردەلٸ جٷيەسٸن ەنگٸزۋدٸ جوسپارلاپ وتىر. بۇل تۋرالى كتك ارناسى حابارلايدى.
ۆەدومستۆوداعىلاردىڭ ايتۋىنشا, كٶپتەگەن شەتەلدٸك ستۋدەنتتەر وقۋدى سىلتاۋ ەتٸپ, قازاقستانعا تابىس تابۋ ماقساتىندا كەلەدٸ. ساياسات نۇربەكتٸڭ سٶزٸنشە, بانگلادەش ازاماتتارى ستۋدەنتتٸك ۆيزا رەسٸمدەپ, ٸس جٷزٸندە جۇمىسقا ورنالاسقان جاعدايلار بولعان. ال اۋعانستان يسلام رەسپۋبليكاسىنان كەلگەندەر قازاقستاندى ەۋروپاعا كٶپٸر رەتٸندە پايدالانعان.
“قازٸر بۇل جۇمىس ەندٸ عانا باستالدى جەنە جان-جاقتى پىسىقتالىپ جاتىر. قازاقستان حالىقارالىق تەجٸريبەنٸ ەسكەرە وتىرىپ, ستۋدەنتتٸك ۆيزالاردى تەك وقۋ ماقساتىندا بەرۋگە ۇمتىلىپ جاتىر. بٸرقاتار ەلدەردە تىم ليبەرالدى ەرەجەلەر ەڭبەك كٶشٸ-قوننىڭ ارتۋىنا نەمەسە ترانزيت رەتٸندە پايدالانىلۋىنا ەكەلگەن. مۇنداي تەسٸل شەتەلدٸك ستۋدەنتتەردٸڭ ٷلەسٸن ارتتىرۋعا جەنە زاڭسىز كٶشٸ-قون تەۋەكەلدەرٸن ازايتۋعا, اشىقتىق پەن جاۋاپكەرشٸلٸك اراسىنداعى تەپە-تەڭدٸكتٸ ساقتاۋعا مٷمكٸندٸك بەرەدٸ”, – دەيدٸ عىلىم جەنە جوعارى بٸلٸم مينيسترلٸگٸنٸڭ قوعاممەن بايلانىس دەپارتامەنتٸنٸڭ ديرەكتورى – باسپاسٶز حاتشىسى ولجاس بەركٸنباەۆ.
ەسكە سالايىق, قازٸر ستۋدەنتتٸك ۆيزا بٸر جىلعا بەرٸلەدٸ. مينيستردٸڭ پٸكٸرٸنشە, مۇنداي جاعدايلار سىبايلاس جەمقورلىققا ەكەلٸپ سوعادى. ەندٸ ۆيزانى تەك وقۋ مەرزٸمٸنە بەرۋدٸ جوسپارلاپ وتىر.
