© IA "Novosti-Kazahstan", Baýbek Konyrov
QMA Almaty qalasy boiynsha departamenti sotqa deiingi tergeý aiasynda «Qazaqstan barysy» qazaq kúresinen týrnir ótkizýge bólingen 1,075 mlrd teńge biýdjet qarajatynyń jumsalý zańdylyǵyn tekserip jatyr, dep habarlaidy "Ult aqparat" Qarjylyq monitoring agenttigine silteme jasap.
"Basshylardan, merdiger ókilderinen jaýap alý, tintý jáne qujattardy alýdy qamtityn tergeý áreketteri júrgizilip jatyr.
Tergeý múddesin kózdeitin basqa aqparat jariia etýge jatpaidy" - delingen habarlamada.
Aita keteri, "Qazaqstan Barysy" jobasy tanymal qoǵam qairatkeri, jýrnalist, "KTK" telearnasynyń bas direktory bolǵan Arman Shoraevtyń bastamasymen qolǵa alynǵan. Týrnir oblystyq deńgeide alǵash ret Qyzylorda jerinde uiymdastyryldy. Al respýblikalyq deńgeide 2011 jyldyń tamyz aiynda Astanadaǵy "Dáýlet" sport kesheninde Tuńǵysh Prezident Nursultan Nazarbaevtyń júldesi úshin ótti.
