Qazaqstan burynǵy KSRO jáne Eýropa elderiniń ishinde tamaq úshin kóp aqsha jumsaityn elderdiń kóshin bastady. Al Liýksembýrg bul tizimde eń sońǵy bolyp tur. Bul týraly RIA Novosti zertteýinde jazylǵan, - dep habarlaidy Tengrinews.kz.
Sarapshylardyń málimetinshe, Eýropa elderiniń kóbinde otbasylyq biýdjettiń negizgi shyǵyndarynyń biri azyq-túlikke jumsalady. Shyǵyn kólemi ómir súrý jaǵdaiyna qarai ár elde ártúrli.
Tamaq úshin eń az aqsha bóletin Liýksembýrg turǵyndary bolyp shyqty. Olar tamaq úshin shyǵyndarynyń 8,4 paiyzyn ǵana jumsaidy eken. Sodan keiin 10,6 paiyzben Niderlandy jáne Ulybritaniia tur. Sondai-aq Irlandiia, Germaniia, Finliandiia, Aýstriia jáne Norvegiia turǵyndary otbasylyq shyǵynnyń 12 paiyzyn tamaqqa jumsaidy. Sarapshylar az aqsha bóletin elderdiń kóshin Batys Eýropanyń ekonomikasy damyǵan memleketteri bastaidy dep topshylady.
Al tamaq úshin kóp aqsha jumsaityn elderdiń eń kóbi burynǵy KSRO men Shyǵys Eýropa memleketteri bolyp shyqty. Reitingtegi barlyq eldiń ishinde sońǵy orynda Qazaqstan tur. Qazaqstandyqtar tabysynyń 53 paiyzyna tamaq alýǵa shyǵyndalady eken.
Ýkraina jáne Moldova turǵyndary da otbasy tabysynyń 40-tan asa paiyzyn azyq-túlikke jumsaityn bolyp shyqty.
Al Moldova, Soltústik Makedoniia, Belarýs jáne Bolgariia turǵyndary tabystarynyń 35 paiyzdan astamy azyq-túlikke jumsaityn elder qatarynda.
Resei reitingte 31-orynda.
