Ystanbul qalasyndaǵy Atatúrik áýejaiynda Qazaqstan azamaty óz-ózine qol saldy, dep habarlaidy sputniknews.kz agenttigi Gokyuzu Haberci portalyna silteme jasap.
Basylymnyń aqparatynsha, sýitsid jasaǵan 37 jastaǵy er adam Qazaqstan azamaty.
"Ol birden aýrýhanaǵa jetkizildi, alaida aýrýhanaǵa barar jolda onyń júregi toqtap qaldy", — delingen saitta.
Basylym habarlaǵandai, qaza tapqan er adam mas bolǵan.
Qazaqstannyń syrtqy ister ministrligi istiń mán-jaiyn anyqtap jatyr.
"Qazir oqiǵanyń anyq-qanyǵyn anyqtap jatyrmyz. Qosymsha aqparatty keiinirek habarlaimyz", — dedi SIM baspasóz qyzmetiniń jetekshisi Aibek Smadiiarov.
Buǵan deiin Túrkiia áýejaiynda sýitsid jasaǵan adam Qyrǵyzstan azamaty ekeni habarlanǵan edi.
