Qazaqstannyń 21 jastaǵy azamaty Ahror Saidahmetov DAISh terroristik uiymyna qoldaý kórsetý maqsatynda kelisim jasaǵanyn moiyndady, - dep habarlaidy RIA Novosti AQSh-tyń Ádilet ministrligine silteme jasap.
AQSh prokýrory Robert Keipers aiyptalýshynyń Siriiaǵa attanyp, DAISh-tyń tarapynda soǵysqysy kelgenin nemese AQSh territoriiasynda terakt jasaýdy josparlaǵanyn moiyndaǵanyn málimdedi. Endi ol tergeýmen kelisimge barsa da, 15 jylǵa deiin bas bostandyǵynan aiyrylýy múmkin.
Eske salaiyq, Ahror Saidahmetov 2015 jyldyń aqpanynda Niý-Iorktegi Djon Kennedi atyndaǵy áýejaida ustalǵan bolatyn. Ol Túrkiiaǵa ushyp ketkisi kelgen. Politsiianyń málimetinshe, ol Ystambuldan Siriiaǵa attanyp, DAISh-qa qosylmaq bolǵan. Qazaqstandyqpen birge Ózbekstan azamaty Abdýrasýl Jýraboev ta ustalǵan edi. Al taǵy bir ustalǵan azamat Abror Habibov DAISh-qa qarajat jinaýǵa jergilikti jeli uiymdastyrdy dep aiyptaldy.
Jýraboev quqyq qorǵaý organdarynyń nazaryna 2014 jyldyń tamyzynda túsken. Ol lańkesterdi jaqtap, ózbek tilinde jazba qaldyrǵan. Tergeýshiler ol AQSh-ta DAISh-tyń buiryǵymen terakt jasaýǵa daiyn boldy dep esepteidi. Al Seidahmetov "islam tobyna" qosylýǵa ruqsat bermese, terakt jasaýǵa daiyn bolǵan degen aiyp taǵyldy. Jýraboev AQSh prezidentin óltirýge usynǵan, al Seidahmetov qarý satyp alyp, politseiler men FTQ agentterin atýdy josparlaǵan delinedi.
