Qazaqstan azamattarynyń jeke málimetterin satqan politseiler ustaldy. Bul týraly QR IIM Ózindik qaýipsizdik departamentiniń bastyǵy Arman Sadanov aitty, dep habarlaidy «Ult aqparat».
Onyń atap ótýinshe, Almaty qalalyq politsiia departamentiniń qazirgi jáne burynǵy qyzmetkeriniń qatysy bar qylmystyq top ustaldy. Politsiia qyzmetkerleri azamattyq tulǵalarmen ymyralasyp, vedomstvolyq aqparattyq bazany satýdy bizneske ainaldyryp alǵan.
«Jeke málimetter úshinshi tulǵalardyń qolyna túsip otyrǵan», - dedi departament bastyǵy.
Arman Sadanovtyń naqtylai túsýinshe, atalǵan qylmystyq áreketke Almaty qalalyq politsiia departamentiniń qyzmet istep júrgen 2 qyzmetkeriniń jáne burynǵy 3 qyzmetkeriniń, bir azamattyq tulǵanyń qatysy bar ekendigi anyqtalyp otyr.
«Olardyń tikelei bastyqtary qatań tártiptik jazaǵa tartyldy. Tipti laýazymynan bosatylǵandary da bar», - dedi ol.
